Туркиянинг Поста нашри мухбири Толгу Боздуманнинг маълум қилишича, “Галатасарой” ҳужумчиси Виктор Осимҳен тунги кўнгилочар маскандан чиқаётганида суратга олаётган пайтда унга ҳужум қилган.
“Биз уч ҳамкасбимиз билан бирга бирга Осимҳенга чиқиш жойида дуч келдик. Суратга ола бошлаганимизда эса гўёки апокалипсис бошлангандек бўлди. У камерани тортиб олишга уриниб, менга бақириб ташланди, лекин мен қаршилик қилдим. У бошимга зарба берди. Ҳозир ҳам бошимнинг ўнг томони оғрийди. Кейин у бизни ҳақорат қила бошлади. Шундан сўнг, Осимҳен: “Суратларни ўчир, мен сенга пул бераман”, деб таклиф қилди. Мен рад жавобини берганимдан сўнг у таҳдид қилди: “Сизларни йўқ қиламан”.
Маълумот учун, Осимҳен ўтган ёз “Наполи”дан ижара асосида “Галатасарой”га ўтганди. Туркия чемпионатида у 14 та ўйинда майдонга тушиб, 11 та гол урган ва 4 та голли узатмани амалга оширган. Transfermarkt футболчининг бозор қийматини 75 миллион еврога баҳолаган.
Изоҳ (0)