“Манчестер Юнайтед” грузиялик футболчи Хвича Кварацхелияга қизиқиш билдирмоқда. Бу ҳақда Sportmediaset хабар берди.
Маълум қилинишича, Манчестер клуби Хвичага 5 йиллик шартнома таклиф қилиш ниятида. Янги бош мураббий Рубен Аморим 3-4-3 схемасида ўйнаш учун грузиялик вингерни ўз жамоасида кўрмоқчи.
“Қизил иблислар” Хвича учун йиллик 8+1 млн евроли 5 йилга мўлжалланган шартнома таклиф қилишга тайёр. “Наполи” раҳбарияти эса вингер учун 100 миллион евро сўрамоқда.
Грузиялик вингер жорий мавсум А Сериядаги 13 ўйинда 5 та гол ва 2 голли узатма қайд этган.
Аввалроқ “Барселона” грузиялик Хвича Кварасхелияга жиддий қизиқиш билдираётгани хабар берилганди.
Изоҳ (0)