51 ёшли португалиялик Пауло Фонсека 2024 йилнинг июнида Франциянинг “Лилль” клубидан “Милан” бошқарувига келганди.
Фонсека Италия А сериясининг 18-туридан ўрин олган “Рома”га қарши ўйиндан сўнг (1:1) ўз лавозимидан озод этилди. Учрашувнинг 43-дақиқасида миланликлар устози ҳакам билан баҳслашгани учун майдондан четлатилди. Португалиялик мутахассис ўйиндан кейин ОАВга клуб раҳбариятидан истеъфога чиқаришларини сўраганини маълум қилганди.
Италия чемпионатининг 18-туридан сўнг “Милан” 17 учрашувда 7 та ғалабага эришиб, турнир жадвалида саккизинчи ўринда бормоқда. Жамоа ҳисобида 27 очко бор. Жамоа пешқадам “Аталанта” ва “Наполи”дан 14 очкога ортда қолмоқда. Жамоа рақибларидан бир ўйин кам ўтгазганини таъкидлаш жоиз.
Чемпионлар лигасида “Милан” умумий жадвалда 12-ўринни эгаллаб турибди, жамоада 1/8 финалга тўғридан тўғри йўлланма олиш учун яхши имконият бор, чунки саккизинчи ўриндаги жамоа билан фарқ атиги бир очкони ташкил этади.
Мен “Милан”да ишлаганимдан фахрланаман ва бу буюк клуб тарихи ва анъаналарини ҳурмат қилиш учун доимо қалбимни берганман. Ходимларга, футболчиларга, мухлисларга ва мени қўллаб-қувватлаган барчага миннатдорчилик билдираман, деб ёзган Фонсека ижтимоий тармоқдаги саҳифасида.
Журналист Николо Скиранинг хабар беришича, Пауло Фонсека шартномани муддатидан олдин бекор қилгани учун “Милан”дан тахминан 1,8 миллион евро олади. Меҳнат шартномасидаги махсус банд эвазига “россонерилар” анчагина маблағни тежаб қолишгани айтилмоқда.
“Милан” Фонсека ўрнига бошқа португалиялик — Серхиу Консейсаони бош мураббий этиб тайинланди. 50 ёшли мутахассиснинг сўнгги иш жойи “Порту” ҳисобланади. 2017 йилдан буён то ўтган мавсум охиригача ушбу жамоани бошқарган Консейсау уч марта Португалия чемпиони бўлди, тўрт марта кубок ва яна уч марта мамлакат Суперкубогини қўлга киритди.
Консейсао билан шартнома 2026 йилнинг 30 июнига қадар имзоланган.“Милан” кейинги ўйинни 2025 йилнинг 3 январида “Ювентус”га қарши ўтказади. Ғолиб Италия Суперкубоги соҳиби бўлади.
Изоҳ (0)