Болаликдан таниш бўлган мандариннинг таъм ва ифори доимо ёқимли хотираларни уйғотади ва яхши кайфият бағишлайди. Янги йил дастурхонининг ажралмас қисмига айланган ушбу цитрусни айниқса байрам арафасида севиб истеъмол қилинади. Аммо уни ҳаддан ортиқ ейиш соғлиққа қандай таъсир қилади? Ушбу саволга диетолог Юлия Хлопова жавоб берди.
Мандаринларнинг фойдали хусусиятлари
Мандаринларда кўплаб фойдали элементлар, айниқса C витамини мавжуд бўлиб, улар иммунитетга фойдали таъсир кўрсатади ва организмнинг инфекцияларга қарши курашишига ёрдам беради.
Мандаринлар бета-каротинга бой бўлиб, у инсон танасига тушганда А витаминига айланади. Ушбу модда тери саломатлиги учун муҳимдир. Бундан ташқари, мандаринлар метаболизмни нормаллаштириш ва юрак-қон томир тизими яхши ишлаши учун ёрдам берадиган калий ва фолий кислотасини ҳам ўз ичига олади.
Шунингдек, мандаринлар овқат ҳазм қилиш тизимни қўллаб-қувватлайди. Мева таркибидаги ўсимлик толалари ичак саломатлигини сақлашга ва қабзиятнинг олдини олишга ёрдам беради. Ушбу цитрусдаги калий, магний ва калций каби микроэлементлар эса юрак, суяк ва асаб тизими учун фойдалидир.
100 грамм мандарин ўртача 40-50 калорияни ўз ичига олади, шу сабабли парҳез қилувчилар ва озишга ҳаракат қилаётганлар учун мазкур мева ажойиб танлов бўлади
Соғлиққа зарар етказмасдан қанча миқдорда мандарин истеъмол қилиш мумкин?
Ўзининг барча фойдали жиҳатларига қарамай, мандаринларни бошқа маҳсулотлар каби меъёрда истеъмол қилиш керак. Шифокорлар ва диетологлар кутилмаган салбий оқибатларга дуч келмаслик учун кунига 3-4 тадан кўп бўлмаган миқдорда мева ейишни тавсия қилади.
Нима учун мандарин истеъмолини чеклаш лозим?
Мева кислотаси. Мандаринлар таркибида жуда кўп миқдорда кислоталар мавжуд. Уларнинг ортиқча миқдори ошқозон шиллиқ қаватинга шикаст етказади ва жиғилдорн қайнашига сабаб бўлади.
Шакар. Мандаринлар енгил ҳазм бўладиган маҳсулот бўлса-да, таркибида табиий шакар кўплиги сабабли қандли диабет билан оғриган беморларга кўп истеъмол қилиш мумкин эмас.
Аллергия қўзғаш хавфи. Цитрус мевалари аллерген маҳсулот бўлиб, баъзи одамларда реакция бериши мумкин.
Агар бир вақтнинг ўзида жуда кўп мандарин истеъмол қилинса нима бўлади?
Ошқозонга шикаст етади. Мандарин таркибидаги кислоталар кўнгил айниши, қорин оғриғи ва жиғилдон қайнашига олиб келади.
Диарея. Катта миқдордаги ўсимлик толалари ҳазм тизимида муаммолар келтириб чиқаради.
Аллергия. Авваллари мандаринларни мунтазам истеъмол қилганларда ҳам ортича цитрус қичишиш ёки тошма пайдо қилади.
Гипервитаминоз. C витаминининг ортиб кетиши камдан-кам учраса ҳам, айнан мандаринлар сабабли гипервитамино вужудга келиб, бош оғриғи, кўнгил айниши ва уйқусизлик кузатилиши мумкин.
Мандаринлар кимлар учун мумкин эмас?
Аллергиклар;
Гастрит ёки ошқозонида яраси бор беморлар;
Қандли касаллигига чалинганлар;
Буйрагида муаммоси борлар.
Изоҳ (0)