Diyetologlar uyqusizlik bilan kurashayotgan insonlarga kechki ovqat vaqtida bo‘tqa iste’mol qilishni tavsiya qilmoqda. Ma’lum qilinishicha, bo‘tqa uyqu sifatini yaxshilashga yordam berishi haqida fikr bildirdi. Bu haqda The Sun nashri xabar bermoqda.
Sport diyetologi Benjamin Bantingning ta’kidlashicha, ko‘pchilik bo‘tqaning foydali ekanligini bilsa-da, uni asosan nonushtada iste’mol qilishni ma’qul ko‘radi. Biroq, uning fikricha, odamlar muhim bir jihatni, ya`ni bo‘tqa nafaqat quvvat beradi, balki uyquni yaxshilash xususiyatiga ham ega ekanligini e’tibordan chetda qoldirmoqda.
“U kalsiy, magniy, fosfor, kremniy va kaliyga boy. Bu mikroelementlarning har biri tungi dam olish sifatini oshirishi mumkin. Masalan, fosfor va kremniy asab tizimini muvozanatga keltirishga, stress va tashvishni kamaytirishga yordam beradi”, deydi Banting.
Bundan tashqari, diyetolog kechki yengil taom sifatida to‘liq donli non va bananlarni tavsiya etadi, chunki ular uyqu uchun foydali bo‘lgan magniy va kalsiyni o‘z ichiga oladi. Shuningdek, uyqu gormoni — melatonin miqdorini oshiruvchi olchani ham iste’mol qilish mumkin. U sut mahsulotlari ham melatonin darajasini ko‘tarishga yordam berishi, shu sababli ularni ham kechqurun iste’mol qilish mumkinligini qo‘shimcha qilgan.
Izoh (0)