Замонавий тиббиётдаги диагностика инсон танасининг энг яширин қисмларини ўрганиш ва аниқ ташхис қўйиш имконини беради. Лекин ҳатто энг оддий, аммо малакали терапевт беморнинг анализини тўплаш ва текшириш пайтида беморнинг тирноқ ҳолатига албатта эътибор беради.
Тирноқлар танадаги ички ҳолат ҳақида кўп нарсани айтиб бериши мумкин. Шарқ тиббиёти ҳар бир бармоқни маълум бир орган билан боғлайди, чунки тирноқлар ушбу органдаги бузилишлар ҳақида сигнал беради. Соғлом тирноқ пушти рангда, текис, озгина порлоқ бўлиши керак.
Ҳар бир бармоқ ўзига хос “таъсир зонасига” эга. Бош бармоқ мия учун жавобгар, шунинг учун кичкина болаларга қўлларидаги бош бармоқларини мунтазам равишда массаж қилиш тавсия этилади. Кўрсаткич бармоқ ўпка билан боғлиқ, ўрта бармоқ ингичка ичак учун жавобгар, ҳалқа бармоқ эса буйраклар билан боғлиқ. Кичик бармоқ юрак билан боғлиқ. Тирноқ пластинкасидаги ўзгаришлар ушбу органлар билан боғлиқ бўлган касалликнинг бошланиши ҳақида гапиради.
Агар тирноқлар жуда ёмон ўсса, эндокринологга мурожаат қилиш керак, бу қалқонсимон бездаги муаммолар ҳақида сигнал бўлиши мумкин.
“Барабан таёқчалари”, чуқурчалар ва доғлар
Пиёз шаклидаги чиқиб турган тирноқлар инсоннинг юраги ва ўпкаси заифлигини кўрсатади. Қошиқ шаклидаги ичига кирган тирноқлар танага темир етишмаслигидан огоҳлантиради — қон таҳлили топшириш вақти келди.
Агар тирноқлар бўйлаб жойлашган узун чизиқлар аниқ кўринса, овқат ҳазм қилиш тизимига эътибор қаратиш керак. Кўндаланг чуқурчалар эса оч қолиш ёки касалликнинг кеч босқичига хосдир. Тирноқлардаги оқ доғлар рух ёки кальций етишмаслигини кўрсатади.
Агар тирноқларингиз пушти ва порламай оқариб қолса, анемия бўлиши мумкин; сариқ рангга кирса, жигарингизни текширинг; бош бармоқнинг тагида яшил ранг пайдо бўлса, овқат ҳазм қилиш тизимида муаммолар бор.
Агар тирноқ учлари қат-қат бўлиб қолса, гинекологга мурожаат қилиш вақти келди. Бу тухумдонларнинг ёмон ишлашини кўрсатиши мумкин, қайси қўлда тирноқлар қат-қат бўлиб қолса, ўша томондаги тухумдон зарар кўрган бўлади.
Ониҳорексис
Ониҳорексис (тирноқларнинг ҳаддан ташқари мўртлиги) беморда тери қичиши, экзема ёки псориаз борлигининг белгиси бўлиши мумкин. Бу касаллик кўпинча Рейн синдроми, васкулит ва шунингдек, қандли диабет билан оғриган кекса одамларда учрайди. Аммо кўпинча ониҳорексис сифатсиз маникюр қилиш, арзон лакларни ишлатиш ва тез-тез ювиш воситалари билан алоқа қилиш натижасида пайдо бўлади. Бундан ташқари, ониҳомикоз каби жиддийроқ касалликлар ҳам учрайди.
Ониҳомикоз
Ониҳомикоз — бу тирноқ пластинкасининг замбуруғли касаллиги бўлиб, унда тирноқнинг зичлиги, ранги ва тузилиши ўзгаради. Мураккаб ҳолатларда тирноқ пластинкаси тирноқ тўшагидан ажралиб чиқади. Бу жуда кенг тарқалган инфекция. Ташхисни тасдиқлаш учун тирноқдан намуналар олинади, улар микроскоп остида текширилади ва тирноқни қайталанишсиз даволаш режаси ишлаб чиқилади. Кейин тиббий педикюр ўтказилади, унда тирноқнинг зарарланган қисмлари кесилиб ташланади ва юзасига замбуруғга қарши препарат билан ишлов берилади.
Даволаш ва профилактика
Агар тирноқлар ранги, шакли ўзгарса, уларда чуқурчалар, доғлар ёки қат-қат бўлиб қолиш пайдо бўлса, мутахассис — подолог ёки дерматологга мурожаат қилиш тавсия этилади. Мутахассис ички органлар касалликларини истисно қилиш учун тўлиқ текширувдан ўтишни тавсия қилади.
Агар текширув жиддий касалликларни аниқламаса, шифокор қон айланишини яхшилаш учун дорилар, шунингдек, томир деворларини мустаҳкамлаш воситаларини буюради. Витаминлар ва микроэлементлар комплексини танлайди ва физиотерапия тайинлайди.
Бундан ташқари парафин терапияси ва даволовчи лой билан компреслар яхши таъсир кўрсатади. Тирноқлар билан боғлиқ муаммолар пайдо бўлишининг олдини олиш учун барча уй ишларини махсус ҳимоя қўлқопларида бажариш тавсия этилади. Доимий равишда табиий таркибий қисмларга эга намловчи кремларни ишлатиш ва тирноқ атрофидаги терини мустаҳкамлаш воситаларини ишлатиш керак.
Изоҳ (0)