Гарвард университети олимлари томонидан ўтказилган янги тадқиқотда 400 га яқин касб-ҳунар эгалари таққосланган ва натижада такси ҳамда тез ёрдам ҳайдовчилари Альцгеймер касаллигидан камроқ вафот этиши аниқланган.
Олимларнинг фикрича, асосий омил бу — касбий жиҳатдан жойлашувга йўналтирилганликдир. Автобус ҳайдовчилари белгиланган йўллар бўйлаб ҳаракатланишидан фарқли ўлароқ, такси ва тез ёрдам ҳайдовчилари доимо янги йўлларни топиш заруратига дуч келишади.
Ушбу назария аввалроқ Curрент Биологй журналида чоп этилган тадқиқотлар билан тасдиқланган. Уларнинг сўзларига кўра, Лондон таксичилик касбига ўқитиш мураккаб навигацияни талаб қилади, бу эса миянинг фазовий ишлов бериш учун жавобгар бўлган қисми — гипокампус ҳажмини оширади.
Фазовий йўналиш ва навигация бу — Альцгеймер касаллигида дастлабки бузиладиган функциялардан бири эканлигига далиллар мавжуд. Агар доимий навигация гипокампус ҳажмини оширса, бу Альцгеймер касаллигидан ҳимоя қиладиган маълум бир жисмоний ва когнитив захира яратиши мумкин, деб тушунтирди тадқиқот раҳбари Ҳьюго Спирс.
Масалан, сизда таълим даражаси юқори бўлса, бошланғич нуқтада когнитив захирангиз кўпроқ бўлади ва бу Альцгеймер касаллигининг ривожланишини тўхтатишга ёрдам берадиган ақлий куч сарф қилишни англатади”, деб қўшимча қилди Спирс.
Изоҳ (0)