Мадриднинг “Реал” клуби собиқ футболчиси Гути “Барселона”нинг 17 ёшли қанот ҳужумчиси Ламин Ямал ҳақида фикр билдирди. Бу ҳақда Championat нашри хабар бермоқда.
Унинг фикрича, испаниялик футболчи баъзи нарсалар бўйича Мессидан устунроқ:
Ямалнинг ажойиб истеъдоди бор. Бу футболчи битта ҳаракат билан ўйинни ҳал қила олади. Мен 17 ёшда Месси буни қилганини эслай олмайман. Ямал ҳозирда ҳам Испания чемпионатининг, ҳам “Барселона”нинг асосий юлдузи ҳисобланади, лекин Ламин ҳали жуда ёш ва кўпроқ ишлаши керак, дейди Гути.
Жорий мавсумда 17 ёшли Ямал барча мусобақаларда 40 ўйинда иштирок этиб, ўз ҳисобига 13 гол ва 18 та голли узатма ёздириб қўйган. Футболчининг клуб билан амалдаги шартномаси 2027 йилга қадар давом этади. Transfermarkt унинг бозор қийматини 180 миллион еврога баҳоламоқда.
Маълумот учун, Гути 1995 йилдан 2010 йилга қадар “Реал” шарафини ҳимоя қилган. Кейинчалик бир муддат “Бешиктош” сафида ҳам ҳаракат қилди.
Изоҳ (0)