“Барселона”, “Ювентус” ва Бразилия терма жамоаси собиқ ҳимоячиси Дани Алвес 405 кун қамоқда сақлангани учун 20 минг евро миқдорида компенсация олиши мумкин. Бу ҳақда Marca нашри хабар бермоқда.
Манбага кўра, Олий суд жинсий зўравонлик иши бўйича чиқарилган дастлабки ҳукмни бекор қилгани сабабли, бразилиялик футболчи қамоқда ўтказган кунлари учун тўлов талаб қилиш ҳуқуқига эга.
Шунингдек, Алвес Мексиканинг “Pumaс” клубидан ҳам 2 миллион евро ундириш ниятида. Агар у айбсиз деб топилса, шартноманинг муддатидан олдин бекор қилиниши асоссиз деб ҳисобланиши мумкин.
Эслатиб ўтамиз, 2024 йил бошида Дани Алвес жинсий зўравонликда айбланиб, 4,5 йил муддатга озодликдан маҳрум этилганди. Футболчи бир неча марта судга аппеляция берди. Унинг охирги эътирози ўринли деб топилди ва футболчи муддатидан аввал озодликка чиқарилди.
Изоҳ (0)