Мадриднинг “Реал” клуби бош мураббийи Карло Анчелотти ўзининг ҳамда “Барселона”нинг ўйин услуби ҳақида фикр билдирди.
Италиялик мутахассис ҳар икки жамоа ҳам турли хил услубларда ўйнаши ҳамда уларни таққослаш қийин эканлигини айтди.
“Барселона” “Реал”дан яхшироқ ўйнаяптими? Билмадим, лекин тан олиш керакки, “Барселона” жуда яхши футбол намойиш қилмоқда, “Реал” эса қолган жамоаларга нисбатан сифатлироқ ўйин кўрсатмоқда. Менга “Реал”нинг ҳам, “Барселона”нинг ҳам ўйини ёқади. Жамоаларни солиштириш мумкин, лекин уларнинг ўйин услубини таққослаш қийин, чунки бу кўп жиҳатдан футболчиларга боғлиқ.
“Реал”нинг баъзи хусусиятлари “Барселона”никидан фарқ қилади. Кимдир “Барселона” жуда яхши, “Реал” эса ёмон ўйнамоқда” деб айтиши мумкин, лекин мен жамоамнинг ҳаракатларидан мамнунман, дейди Анчелотти.
Маълумот учун, ҳозирда каталонияликлар Ла Лига турнир жадвалида 66 очко билан етакчилик қилмоқда. “Қироллик клуби” эса рақибдан уч очко кам тўплаб, 2-ўринни эгаллаб турибди.
Изоҳ (0)