Футбол бўйича 17 ёшлилар ўртасида Осиё Кубоги доирасидаги 2-тур учрашувлари 6 апрель, якшанба куни ўтказилди.
Унда Ўзбекистон терма жамоаси Хитойга қарши баҳс олиб борди. Дастлаб ҳисоб 33-дақиқада Жанг Ченгруи томонидан очилди. Биринчи бўлимга қўшиб берилган дақиқаларда Садриддин Ҳасанов гол уриб, таблодаги ҳисобни тенглаштириб қўйди.
Иккинчи тайм тенг курашлар остида бошланди. Аммо 86-дақиқага келиб, Асилбек Алиев Ўзбекистоннинг навбатдаги голини киритиб, жамоага ғалаба тақдим этди.
Шу тариқа, Ўзбекистон терма жамоаси кетма-кет икки турда ғалаба қозониб, 6 очко қўлга киритди. Гуруҳнинг иккинчи баҳсида мезбон Саудия Арабистони Таиландга қарши баҳс олиб боради. Агар ушбу беллашувда мезбонлар очко йўқотмаса, Ўзбекистон бугуннинг ўзида ЖЧ масаласини ҳал қилади.
U-17 Осиё чемпионати
2-тур
6 апрель, якшанба
Хитой — Ўзбекистон 1:2
Голлар: 1:0 — Жанг Ченгруи (33), 1:1 — Садриддин Ҳасанов (45+1), 1:2 — Асилбек Алиев (86)
Изоҳ (0)