Футбол бўйича U-20 Осиё кубоги саралаш босқичида Ўзбекистон ёшлар терма жамоаси Хитой билан баҳс олиб борди.
Учрашувнинг 7-дақиқасида Акбар Ўктамов ҳисобни очди. 10 дақиқадан сўнг Абдулла Адили мувозанатни тиклади. 23-дақиқада эса Жавоҳир Ўтамуродов ўзбекистонликларни ҳисобда олдинга олиб чиқди. Биринчи бўлим сўнгида Маҳмуд Жўрабоев қизил карточка олиб майдонни тарк этди. Қолган дақиқаларда Ўзбекистон бир киши кам бўлиб ўйинни давом эттирди.
Ўйин сўнггига қадар шу ҳисоб сақланиб қолди ва Ўзбекистон сўнгги саралаш босқичида ҳам ғалаба қозонди.
Ўзбекистон бундан олдинги саралаш босқичларида Мальдив устидан 7:0 ҳисобида, Мьянма устидан 3:0 ҳисобида зафар қучганди. Саудия Арабистони эса 2:1 ҳисобида таслим этилганди.
U-20 Осиё Чемпионати
Саралаш босқичи
16 сентябрь, жума
Хитой — Ўзбекистон 1:2
Голлар: 0:1 — 7 Акбар Ўктамов, 1:1 — 17 Абдулла Адили, 1:2 — 23 Жавоҳир Ўтамуродов.Ўзбекистон U-19: Асрорбек Кенжаев, Жавоҳир Ўтамуродов, Миркомил Абдураззоқов, Суннатилла Поёнов, Акбар Ўктамов, Риан Исламов, Тоҳирбек Тўхтасинов, Маҳмуд Жўрабоев, Асадбек Беглархонов, Дониёр Валиев, Рустамбек Фомин.
Изоҳ (0)