Футбол бўйича 20 ёшгача бўлган футболчилар ўртасидаги Осиё Кубоги чорак финалида Жанубий Корея ва Хитой ёшлари 12 март, якшанба куни ўзаро тўқнаш келди.
Учрашувнинг биринчи бўлимида дарвозалар дахлсиз қолди. Иккинчи бўлимнинг учинчи дақиқасида хитойликлар Мутеллип Иминқарининг голи эвазига олдинга ўтиб олди.
62-дақиқада Жанубий Корея вакиллари пенальтидан тўп киритган ҳолда мувозанатни тиклади. Асосий вақтнинг қолган дақиқаларида ҳисоб ўзгармади. Қўшимча бўлимларда кореяликлар иккита тўп киритган ҳолда ғалабани илиб кетди.
Шу тариқа Жанубий Корея ёшлар терма жамоаси ярим финалга йўл олган ҳолда U-20 Жаҳон чемпионати йўлланмасига ҳам эга чиқди. Ушбу терма жамоаси финал йўлида Ўзбекистон ёшларига рақиб бўлади. Ўйин 15 март куни “Бунёдкор” стадионида бўлиб ўтади.
Яна бир ярим финалчи Ироқнинг рақиби Япония ва Иордания ёшлар терма жамоалари ўртасидаги учрашувда аниқланади.
Осиё Кубоги—2023
Чорак финал баҳси
12 март, якшанба
Жанубий Корея U-20 — Хитой U-20 3:1
Голлар: 0:1 – 48 Иминқари, 1:1 – 62, пенальти Ким Ён Ҳак, 2:1 – 100 Сун Жин Ён, 3:1 – 105 Чой Сук Ҳён.
Изоҳ (0)