Футбол бўйича Ўзбекистон терма жамоасига янги бош мураббий тайинланди. Бу ҳақда ташкилот расмий сайтида хабар берилди.
Унга кўра эндиликда мамлакат бош жамоасини Вадим Абрамов бошқариб боради. Аввалроқ аргентиналик Эктор Купернинг терма жамоа рулидан кетганлиги ҳақида хабар берилганди.
Таъкидланишича, Вадим Абрамовга мураббийлар штабида Темур Кападзе ёрдам беради. Шунингдек, ўзбек футболи мухлисларига яхши таниш бўлган австралиялик тажрибали мутахассис Мирко Еличич футболчиларнинг жисмоний тайёргарлиги билан шуғулланади. Дарвозабонлар билан эса Денис Иванков ишлашда давом этади.
Маълумот учун, Абрамов Ўзбекистон терма жамоасини аввал ҳам бошқарган. У 2012 йил 4 июнида Эронга қарши мағлубият сабаб терма жамоа бош мураббийлигидан истеъфога чиқарилганди.
Қайд этиш лозим, Вадим Абрамов айни дамда «Бунёдкор» клуби бош мураббийи ҳам саналади. Унинг клубдан кетиши ёки бир вақтда икки жамоада ишлаши ҳақида маълумот берилмаган.
Ўзбекистон терма жамоасининг Абрамов қўл остида 2011 йилги Осиё Кубогида қайд этган натижалари
Гуруҳ босқичи- Қатар — Ўзбекистон 0:2
- Кувайт — Ўзбекистон 1:2
- Хитой — Ўзбекистон 2:2
- Ўзбекистон — Иордания 2:1
- Ўзбекистон — Австралия 0:6
- Жанубий Корея — Ўзбекистон 3:2
Ўзбекистон терма жамоасининг Абрамов қўл остида 2014 йилги Жаҳон Чемпионати учун саралаш баҳсларида қайд этган натижалари:
ЖЧ—2014 2-саралаш босқичи- Ўзбекистон—Қирғизистон 4:0 (3:0)
- Тожикистон — Ўзбекистон 0:1
- Ўзбекистон — Япония 1:1
- КХДР — Ўзбекистон 0:1
- Ўзбекистон — КХДР 1:0
- Ўзбекистон — Тожикистон 3:0
- Япония — Ўзбекистон 0:1
- Ўзбекистон — Эрон 0:1
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)