Таиланд мезбонлик қилаётган 23 ёшгача бўлган футболчилар ўртасидаги Осиё Чемпионати—2020 мусобақасининг учинчи ўрини учун баҳсда Ўзбекистон олимпия терма жамоаси 25 январь, шанба куни Австралияга қарши баҳс олиб боради.
Мазкур баҳс Тошкент вақти билан 17:30 да бошланади. Учрашувда ғолиб чиққан жамоа Токио—2020 йўлланмасига эга бўлади.
Австралия олимпия терма жамоаси мусобақани «А» гуруҳида бошлади, «кенгурулар» Таиланд, Ироқ ва Баҳрайнни ортда қолдирган ҳолда биринчи ўринни эгаллади. Чорак финалда эса Сурия қўшимча бўлимлардаги гол эвазига таслим этилди. Финал остонасида австралияликлар Жанбубий Кореяга мағлуб бўлди.
Ўзбекистон эса Жанубий Корея, Эрон ва Хитой жамоалари билан бир гуруҳдан жой олди ҳамда иккинчи ўрин билан плей-оффга йўл олди. Чорак финалда БАА йирик ҳисобда мағлуб этилди, ярим финал баҳсида сўнгги дақиқаларда Саудия Арабистонидан ўтказиб юборилган гол финал Любинко Друлович шогирдларини финал йўлланмасидан қуруқ қолдирди.
Мусобақанинг финал учрашуви 26 январь, якшанба куни Жанубий Корея ва Саудия Арабистони ўртасида кечади.
ОЧ—2020 U-23
Учинчи ўрин учун баҳс
25 январь, шанба
17:30. Австралия — Ўзбекистон
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)