Индонезияда бўлиб ўтадиган U-17 Жаҳон Чемпионатида иштирок этадиган барча терма жамоалар номи аниқ бўлди 

Футбол бўйича ўсмирлар ўртасидаги Жаҳон Чемпионати 2023 йилнинг ноябрь декабрь ойларида Индонезияда бўлиб ўтади.

17 ёшли футболчилар ўртасидаги мундиалда иштирок этувчи барча 24 та терма жамоа номи маълум бўлди. 

Қуръа ташлаш маросимидан аввал терма жамоалар анъанавий 4 та саватчага жойлашади. 

1-саватча

• Индонезия, Бразилия, Мексика, Франция, Испания, Мали

2-саватча

• Англия, Япония, Жанубий Корея, Аргентина, Эквадор

3-саватча

• Янги Зеландия, Эрон, Сенегал, АҚШ, Ўзбекистон, Марокаш

4-саватча

• Канада, Янги Каледония, Панама, Буркина-Фасо, Польша, Венесуэла. 

Саватчаларда қуйидагича ўзгаришлар бўлиши мумкин:

1. Агар U-17 Осиё Кубогида Эрон ғалаба қозонадиган бўлса, у иккинчи саватчага ўтади ва Эквадор учинчи саватчадан жой олади;
2. Агар Япония Осиё Кубоги ғолиби бўладиган бўлса, у биринчи саватчага кўтарилади ва Мали билан жой алмашади;
3. Агар Жанубий Корея ёки Ўзбекистон чемпионликни нишонлайдиган бўлса, саватчаларда ўзгаришлар юз бермайди. 

Қайд этиб ўтиш жоиз, Ўзбекистон ўсмирлар терма жамоаси U-17 Осиё Кубоги—2023 чорак финалида Саудия Арабистонини 2:0 ҳисобида мағлуб этиб, ҳам ярим финалга йўлланмани қўлга киритди, ҳам Жаҳон Чемпионатига чиқди. 

Эслатиб ўтамиз, Индонезияда бўлиб ўтадиган турнир 10 ноябрда старт олади ва 2 декабрга қадар давом этади.