Германия иқтисодиёт вазири вазифасини бажарувчи Роберт Хабек агар Европа бирлашса, АҚШ президенти Дональд Трамп босим остида таслим бўлиши ва ўзининг тариф сиёсатини ўзгартиришини билдирди. Бу ҳақда CNBC хабар бермоқда.

“Мен Дональд Трампнинг босим остида таслим бўлишини, ўз баёнотларини ўзгартиришини кўряпман, лекин бунинг мантиқий натижаси шуки, у ҳам босимни ҳис қилиши керак”, деди у матбуот анжуманида.
Хабек, Оқ уй раҳбарига Европа давлатлари бошқа мамлакатлар билан иттифоқда бўлиб босим ўтказиши кераклигини қўшимча қилган.
“Трампнинг ўз фикрларида қатъий туриб олишига йўл қўйиш ёки уни юмшатишга уриниш ҳеч қандай шароитда ҳам муваффақиятли стратегия бўлмайди ва жавоб ъқатъият куниъ бўлиши кераклигини таъкидлади. Шунда ким кучли эканини кўрамиз…”, деб таъкидлаган вазир.
Вазирнинг айтишича, стратегик мақсад божлар ва савдо урушидан қочиш бўлиши керак, аммо масала шундаки, бунга қандай эришиш мумкин.
Шунингдек, Хабек Европани янада мустақил бўлиш учун стратегик инвестициялар киритишга, масалан, булутли инфратузилмани такомиллаштириш, сунъий интеллект ва космик имкониятларни кенгайтиришга чақирди.
АҚШ президенти Дональд Трамп бошқа мамлакатлардан импортга ўзаро божлар жорий этилишини эълон қилди. Асосий минимал ставка ўн фоизни ташкил этади, аммо ҳар бир мамлакат учун тариф мослаштирилади ва Америка товарларини импорт қилувчи компаниялардан ундириладиган тўловнинг ярмига тенг бўлади.
Сиёсатчининг фикрича, бу Қўшма Штатларнинг иқтисодий мустақиллиги декларацияси бўлади ва давлат қарзини тўлаш учун катта маблағлардан фойдаланишга ёрдам беради. Европа Иттифоқи мамлакатларидан импортга нисбатан божхона божи 20 фоизни ташкил этади.
Изоҳ (0)