Агар АҚШ президенти Дональд Трамп Европа иттифоқидан келадиган товарларга бож жорий қилса, Еврокомиссия тезда жавоб қайтара олади. Бу ҳақда Германия канцлери Олаф Шольц маълум қилди.
“Мен қарама-қаршиликдан кўра кўпроқ ҳамкорликка умид қиламан... Аммо агар Қўшма Штатлар шундай қадамлар қўйса (божлар жорий қилса), Европа Комиссияси бир неча соат ичида жавоб бера олади”, деди Шольц.
Канцлер экспортга йўналтирилган саноати ривожланган мамлакат сифатида глобаллашув Германия учун фойдали эканлигини ва бу ҳолат сақланиб қолиши зарурлигини таъкидлади.
Унинг фикрича, Европа иттифоқи бирлашиши ва ўз кучини намойиш қилиши, шу орқали ҳаракат қилиш қобилиятини намоён этиши керак.
Аввалроқ 1 февраль куни АҚШ президенти Дональд Трамп Брюссел Вашингтонга “даҳшатли” муносабатда бўлгани учун ЕИдан товарларга импорт божлари жорий этишини айтган эди.
Шунингдек, Германия канцлери Олаф Шольц АҚШнинг сайланган президенти Дональд Трампнинг НАТО аъзолари ялпи ички маҳсулотнинг (ЯИМ) камида 5 фоизини мудофаа учун сарфлаши ҳақидаги талабини рад этгани хабар берилганди.
Изоҳ (0)