Москванинг “ЦСКА” клуби вингери ва Ўзбекистон терма жамоаси футболчиси Аббосбек Файзуллаев Европанинг топ-5 лигаларидаги жамоалар эътиборига тушди. Бу ҳақида Euro-Football нашри хабар берди.
Манбанинг ёзишича, 21 ёшли футболчига бир нечта кучли клублар қизиқиш билдирмоқда. Ҳозирча ушбу жамоаларнинг номи ошкор қилинмаган. Аввалроқ Файзуллаев Германиянинг “Бавария” клубига ўтиши ҳақида хабарлар тарқалган эди.
Шунингдек, турк матбуоти “Галатасарой” ҳам Аббосбек учун харидор бўлаётгани ҳақида маълум қилди. Футболчи Истанбул клубдан бўлаётган қизиқишларга муносабат билдириб, ҳозир бошқа жамоалар ҳақида ўйламаётгани ҳақида гапирди
Маълумот учун, жорий мавсумда Файзуллаев Россия Премьер Лигаси ҳамда Россия Кубоги доирасидаги 28 та ўйинда майдонга тушиб, 3 та гол ва 7 та голли узатма муаллифига айланди. Transfermarkt портали футболчининг қийматини 8 миллион евро деб баҳоламоқда.
Изоҳ (0)