Moskvaning “SSKA” klubi yarim himoyachisi Abbosbek Fayzullayev Turkiyaning “Galatasaroy” klubidan bo‘layotgan qiziqishlarga munosabat bildirdi.
Futbolchi Match TV telekanaliga bergan intervyusida bu haqida gapirishni istamasligi, sababi uning Moskva klubi bilan shartnomasi borligini aytdi.
Bu haqda gapirishni istamayman, hozir vaqti emas. Mening “SSKA” bilan shartnomam bor, bu mavzuda gapirish klubga nisbatan hurmatsizlik bo‘ladi. Hozir barcha e’tiborim “SSKA”ga qaratilgan, deya futbolchining so‘zlarini keltiradi Match TV telekanali.
Avvalroq Turkiyaning Markaj News nashri “Galatasaroy” yozgi transfer oynasi paytida Fayzullayevni o‘z tarkibiga qo‘shib olish imkoniyatini ko‘rib chiqayotgani haqida xabar bergan edi.
Rossiya Premyer Ligasining 22-turidagi bahsda “SSKA” o‘z maydonida Maxachqal’aning “Dinamo” jamoasini qabul qilib, 2:0 hisobida g‘alaba qozondi. Uchrashuvni asosiy tarkibda boshlagan futbolchi 87 daqiqa maydonda harakat qildi.
Marko Nikolich boshqaruvidagi jamoa 41 ochko to‘plab, turnir jadvalida beshinchi o‘rinni egallab turibdi. Navbatdagi uchrashuvda “SSKA” o‘z uyida Moskvaning boshqa bir jamoasi “Dinamo” bilan to‘qnash keladi.
Izoh (0)