Ўзбекистон терма жамоаси ва Москванинг ЦСКА клуби футболчиси Аббосбек Файзуллаэв Абдуқодир Ҳусановнинг “Манчестер Сити”га ўтиши ҳақида фикр билдирди.
Албатта, мен Абдуқодир Ҳусановнинг “Манчестер Сити”даги дебютини кўрдим. Ўйиндан кейин бир-биримиз билан ёзишдик. Унинг ҳар бир ўйинини томоша қилишга ҳаракат қиламан. Ҳусановнинг “Манчестер Сити”га ўтиши – ажойиб, деди Файзуллаэв ТАСС нашри билан суҳбатда.
Ҳусанов “Манчестер Сити” таркибида ҳозиргача 7 ўйинда қатнашиб, 1 гол урган. Футболчи яқинда клуб сафида февраль ойининг энг яхши футболчиси сифатида эътироф этилди.
Аббосбек Файзуллаев жорий мавсум “ЦСКА” таркибида 18 учрашувда иштирок этиб, 2 гол ва 3 ассист муаллифига айланди. Унинг Москва клуби билан шартномаси 2026 йилнинг ёзига қадар мўлжалланган.
Маълумот учун, Файзуллаев ва Ҳусанов Ўзбекистоннинг турли хил ёш тоифасидаги терма жамоаларида тўп тепган. Улар 2023 йил Тошкентда ўтказилган 20 ёшгача бўлган футболчилар ўртасидаги Осиё Кубогида ғалаба қозонган. 2024 йил Ўзбекистон U-23 жамоаси таркибида тарихда илк бор Олимпиада йўлланмасига эга чиқишган. Ҳозирда ҳар икки футболчи ҳам Ўзбекистон миллий терма жамоаси аъзоси ҳисобланади.
Изоҳ (0)