АҚШ президенти Дональд Трамп уни танқид қилаётган Америка телеканалларидан АBC ва NBC эфир лицензияларини бекор қилишни қўллаб-қувватлашини айтди. Бу ҳақда Америка раҳбари ўзининг Truth Social саҳифасида ёзган.
-ClAK_qj3.avif)
“Жуда юқори рейтинг ва кўпчилик фикрича, сўнгги саккиз ой президентлик муддатлари тарихидаги энг яхшиларидан бири бўлишига қарамай, АBC ва NBC каби ёлғончи оммавий ахборот воситалари, иккита энг ёмон ва энг нохолис телеканал, 97 фоиз ҳолларда мен ҳақимда салбий янгиликларни кўрсатади”, дея таъкидлаган Трамп.
“Агар шундай бўлса, улар шунчаки Демократик партиянинг бўлинмаси ҳисобланади ва кўпчилик ўйлаганидек, Федерал алоқа комиссияси уларнинг лицензияларини бекор қилиши керак. Мен буни тўлиқ қўллаб-қувватлаган бўлардим, чунки улар шунчалик нохолис ва ёлғончики, демократиямиз учун ҳақиқий таҳдид туғдиради”, дея қўшимча қилди у.
Шунингдек, Трамп телеканаллар эфир частоталаридан фойдаланганлик учун лицензия тўловлари сифатида миллионлаб доллар тўламаганини таъкидлаган ва АBC ҳамда NBC бу пулларни тўлаши кераклигини билдирган.
2024 йил март ойида Трамп АBC бошловчиси Жорж Стефанопулоснинг эфирда Трамп жинсий тажовуз ҳақида гап кетаётганига қарамай, зўрлашда айбдор деб топилганини таъкидлаган сўзлари бўйича судга мурожаат қилди. Суд жараёни натижасида ABC News ва Стефанопулос ишни ҳал қилишга рози бўлиб, Трампга 15 млн доллартўлашди.
Шунингдек, 2025 йил апрелда Трамп Украина ва Гренландия ҳақидаги кўрсатувдан сўнг CBS’ни лицензиясидан маҳрум қилишга чақирди. Республикачининг кўплаб Америка оммавий ахборот воситалари билан зиддиятли муносабатлари бор. Унинг даъволари The New York Times, Daily Beast каби нашрларга, шунингдек Penguin Random House нашриётига таъсир кўрсатган.
Трампнинг сайловдаги ғалабасидан сўнг АҚШ Журналистларни ҳимоя қилиш қўмитаси матбуотга қарши даъволарни “оммавий ахборот воситалари эркинлигига очиқ ва тўғридан-тўғри таҳдид” деб баҳолаган.
Изоҳ (0)