Футбол бўйича Жаҳон чемпионати саралашининг 3-босқичи 7-туридан ўрин олган учрашув бугун, 20 март куни бўлиб ўтди.
“Бунёдкор” стадионидаги учрашувда Ўзбекистон ва Қирғизистон миллий жамоалари тўқнаш келди.
Учрашувнинг биринчи бўлими сокинроқ бошланган бўлса-да, 20 дақиқа ўтгач ўзбекистонликлар фаолликни оширди. Бу эса 24-дақиқага келиб самара берди.
Шомуродовнинг узатмасидан сўнг Алижонов олдинга қараб ўтаётганда унга нисбатан қўполлик ишлатилди. Натижада қирғизистонлик ҳимоячига қизил карточка кўрсатилди ва пенальти белгиланди. Бироқ ушбу пенальтидан Элдор Шомуродов фойдалана олмади.
Шундан сўнг ҳам Ўзбекистон МТЖ қатор имкониятларга эга бўлди. 40-дақиқага келиб ташкил этилган ҳужумлар самарасини берди. Аббосбек Файзуллаевнинг узатмасидан сўнг Ҳожиакбар Алижонов тўпни дарвозага жойлаб қўйди.
Иккинчи бўлим аввалида қирғизистонликлар фаоллик кўрсатган бўлса-да, ўзбекистонликлар тезда вазиятни ўз қўлларига олди. Яратилган қатор хавфли вазиятлар натижа бермади.
Элдор Шомуродов томонидан урилган гол ҳам ўйиндан ташқари ҳолатда деб топилди.
Шундай қилиб, Ўзбекистон МТЖ навбатдаги ғалабасини қўлга киритди ва 16 очко билан гуруҳдаги 2-ўринни мустаҳкамлаб олди.
ЖЧ—2026 саралаши
20 март, жума
Ўзбекистон — Қирғизистон 1:0
Гол: 1:0 — 40, Ҳожиакбар Алижонов
Фойдаланилмаган пенальти: Элдор Шомуродов, 25.
Ўзбекистон: 1.Ўткир Юсупов, 2.Абдуқодир Ҳусанов, 3.Ҳожиакбар Алижонов (19.Зафармурод Абдураҳматов, 88), 4.Фаррух Сайфиев (23.Иброҳимҳалил Йўлдошев, 57), 5.Рустам Ашурматов, 7.Отабек Шукуров (11.Русланбек Жиянов, 78), 9.Одилжон Ҳамробеков, 10.Жалолиддин Машарипов (6.Акмал Мозговой, 88), 14.Элдор Шомуродов, 18.Абдулла Абдуллаев, 22.Аббосбек Файзуллаев
Қирғизистон: 1.Эржан Токотаев, 2.Валерий Кичин (с), 3.Тамирлан Козубаев, 4.Саид Дациев, 7.Жоэл Кожо (18.Қайрат Жиргалбек Уулу, 57), 8.Элдиар Зарипбеков, 12.Одил Абдураҳмонов, 14.Александр Мишченко, 20.Адилет Канибеков (6.Кристиан Браузман, 46), 21.Кай Мерк (5.Арслан Бекбердинов, 79), 23.Эрбол Атабаев (10.Гулжигит Алиқулов, 46).
Четлатиш: Саид Дациев, 24 (Қ).
Изоҳ (0)