Moskvaning “SSKA” klubi vingeri va O‘zbekiston terma jamoasi futbolchisi Abbosbek Fayzullayev Yevropaning top-5 ligalaridagi jamoalar e’tiboriga tushdi. Bu haqida Euro-football nashri xabar berdi.
Manbaning yozishicha, 21 yoshli futbolchiga bir nechta kuchli klublar qiziqish bildirmoqda. Hozircha ushbu jamoalarning nomi oshkor qilinmagan. Avvalroq Fayzullayev Germaniyaning “Bavariya” klubiga o‘tishi haqida xabarlar tarqalgan edi.
Shuningdek, turk matbuoti “Galatasaroy” ham Abbosbek uchun xaridor bo‘layotgani haqida ma‘lum qildi. Futbolchi Istanbul klubdan bo‘layotgan qiziqishlarga munosabat bildirib, hozir boshqa jamoalar haqida o‘ylamayotgani haqida gapirdi
Ma’lumot uchun, joriy mavsumda Fayzullayev Rossiya Premyer Ligasi hamda Rossiya Kubogi doirasidagi 28 ta o‘yinda maydonga tushib, 3 ta gol va 7 ta golli uzatma muallifiga aylandi. Transfermarkt portali futbolchining qiymatini 8 million yevro deb baholamoqda.
Izoh (0)