Янги тадқиқот шуни кўрсатдики, ижтимоий тармоқларда ўтказилган вақт ёлғизлик ҳиссиётини кучайтириши мумкин. Мессенжер ва иловалар ишлатилиши тобора ортиб бормоқда. Ижтимоий тармоқларнинг мақсади одамларни бирлаштириш бўлса-да, кўпчилик ўзини ёлғиз ҳис қилади. Махсус ташкилотларнинг ҳисоботлари “ёлғизлик эпидемияси”нинг кучайиб бораётганини таъкидлайди ва ҳақиқий мулоқот етишмаслиги кунига 15 марта тамаки истеъмол қилиш каби зарарли эканлигини кўрсатади.
“Сўнгги 10 йилдан ортиқ вақт мобайнида менинг тадқиқотларим телефон ва ижтимоий тармоқларни ишлатиш ва уларнинг фаровонликка таъсири устида тўпланган”, дейди тадқиқот муаллифи Жеймс А.Робертс. У ижтимоий тармоқларни ишлатишнинг турли усулларини ва уларнинг кайфиятга таъсирини, айниқса ёлғизликнинг кучайиб бораётган тенденциясини ўрганишнинг аҳамиятини таъкидлайди.
Таъкидлаш жоизки, таҳлил натижаларини олиш учун тадқиқотчилар Голландияда 2008 йилдан бери олиб борилаётган “Ижтимоий фанлар учун узун муддатли интернет тадқиқотлари” тажрибасининг маълумотларидан фойдаланишган. Иштирокчилар ҳар йили интернет ишлатиш ва ёлғизлик даражаси ҳақида сўровномаларни тўлдиришган. Олимлар иловаларни ишлатишни икки турга бўлишди: пассив (лента, профилларни кўриш) ва фаол (хабарларни жойлаштириш, шарҳлар, лайклар).
Изоҳ (0)