Garvard universiteti olimlari tomonidan o‘tkazilgan yangi tadqiqotda 400 ga yaqin kasb-hunar egalari taqqoslangan va natijada taksi hamda tez yordam haydovchilari Alsgeymer kasalligidan kamroq vafot etishi aniqlangan.
Olimlarning fikricha, asosiy omil bu — kasbiy jihatdan joylashuvga yo‘naltirilganlikdir. Avtobus haydovchilari belgilangan yo‘llar bo‘ylab harakatlanishidan farqli o‘laroq, taksi va tez yordam haydovchilari doimo yangi yo‘llarni topish zaruratiga duch kelishadi.
Ushbu nazariya avvalroq Current Biology jurnalida chop etilgan tadqiqotlar bilan tasdiqlangan. Ularning so‘zlariga ko‘ra, London taksichilik kasbiga o‘qitish murakkab navigatsiyani talab qiladi, bu esa miyaning fazoviy ishlov berish uchun javobgar bo‘lgan qismi — gipokampus hajmini oshiradi.
Fazoviy yo‘nalish va navigatsiya bu — Alsgeymer kasalligida dastlabki buziladigan funksiyalardan biri ekanligiga dalillar mavjud. Agar doimiy navigatsiya gipokampus hajmini oshirsa, bu Alsgeymer kasalligidan himoya qiladigan maʼlum bir jismoniy va kognitiv zaxira yaratishi mumkin, deb tushuntirdi tadqiqot rahbari Hyugo Spirs.
Masalan, sizda taʼlim darajasi yuqori bo‘lsa, boshlang‘ich nuqtada kognitiv zaxirangiz ko‘proq bo‘ladi va bu Alsgeymer kasalligining rivojlanishini to‘xtatishga yordam beradigan aqliy kuch sarf qilishni anglatadi”, deb qo‘shimcha qildi Spirs.
Izoh (0)