Жиззах вилоятида 1,1 млрд сўмлик табиий газдан ноқонуний фойдаланган корхона аниқланди, деб хабар бермоқда “Ҳудудгазтаъминот”.
Қайд этилишича, барча ҳудудларда табиий газдан ноқонуний фойдаланиш ҳолатларини аниқлаш бўйича назорат тадбирлари давом эттирилмоқда. Мана шундан тадбирлардан бири “Ҳудудгаз Жиззах” ГТФ комплаенс назорат тузилмалари, “Ғаллаоролтумангаз” ГТБ ва ҳуқуқ-тартибот органлари ходимлари иштирокида Жиззах вилоятининг Ғаллаорол туманида ўтказилди.
“Ғ. К. Ф.” МЧЖга қарашли корхонада табиий газдан фойдаланиш ҳолати ўрганилганда истеъмолчи Давлат қиёслов кўригидан ўтказиш муддати ўтган электрон газ ҳисоблаш ускунаси орқали табиий газдан фойдаланиб келаётгани аниқланди.
Ҳолат бўйича далолатнома тузилиб, табиий газ ҳажмлари қайта ҳисоб-китоб қилинди ва 1 миллиард 146 миллион сўмлик зарар етказилгани маълум бўлди. Барча ҳужжатлар ҳуқуқни муҳофаза қилувчи органларга топширилди.
Газ ўғирлаётган оҳак цехлари
Март ойида Самарқанд вилоятининг Пахтачи туманида 4 млрд сўмлик табиий газдан ноқонуний фойдаланган яширин оҳак цехи фош этилган эди. Апрелда эса Фарғонада 69,4 млн сўмлик табиий газдан ноқонуний фойдаланган оҳак цехи аниқланган.
Май ойида эса яна Фарғонада 289 млн сўмлик табиий газдан ноқонуний фойдаланиб, оҳак цехи ташкил этилганлиги аниқланган эди. Август ойида Самарқандда 3,3 млрд сўмлик табиий газдан ноқонуний фойдаланиб, оҳак цехи ташкил этган шахс ушланганди.
Сентябрда Фарғонада газдан ноқонуний фойдаланган оҳак цехи масъуллари давлатга 5,5 млрд сўмдан зиёд зарар етказди. Шу билан бирга, айнан Фарғона шаҳрида ноқонуний оҳак ишлаб чиқариш цехи ташкил қилиб, 544,6 млн сўмлик табиий газни ўғирлаганлар қўлга тушган эди.
Изоҳ (0)