Севимли фильмлар шуниси билан яхшики, уларни қайта кўриш ва ҳар сафар янги нарсаларни пайқаш мумкин.
“Гарри Поттер ва Қақнус ордени”
Дадли Дурслнинг шортилари ҳам ерости ўтиш жойида дементорларни учратганда ўзгаради.
“Мумиё”
“Мумиё”да Эвини биринчи марта кутубхонада учратамиз. Нарвонда турган қиз қўлида китоб ушлаб, яқин атрофдаги жавонга қўйишга ҳаракат қилади. Лекин китоб қўлидан тушиб кетса-да, ҳеч қандай овоз эшитилмайди, полда ҳам бирорта китоб кўринмайди — худди шу заҳотиёқ ер ютиб юборгандек.
“Сумерки”
“Сумерки” фильми ҳам хатоликдан холи эмас. Саҳналарнинг бирида Эдварднинг орқасидаги жавондаги безаклар тўсатдан ўзгариб қолади.
“Гарри Поттер ва ҳикматлар тоши”
“Хогварц-экспресс” купесида Поттерни учратган Роннинг соч турмаги ҳам муттасил ўзгариб туради.
“Қулай хоним”
“Қулай хоним” комедиясида агент Грэйси Ҳарт барда музқаймоқ еган саҳна бор. Шу вақтда бир ҳамкасби ва унинг ҳамроҳи саломлашиш учун унинг олдига келади. Уларнинг суҳбати давомида бўш қошиқ тўсатдан музқаймоқ билан тўлиб қолганини кўриш мумкин.
“Каскадёрлар”
“Каскадёрлар” фильмида қаҳрамонлар кўплаб трюкларни ижро этишади. Албатта, бундай хавфли дақиқаларда ҳар бир майда-чуйда деталлни назорат қилиб бўлмайди. Мисол учун, якуний саҳнада Райан Гослинг ўйнаган бош қаҳрамон вертолётдан сакрайди — унинг қўлида душманининг гапи ёзилган аудиокассета бўлади. Бироқ у йиқилган кадрларда қаҳрамоннинг қўлларида ҳеч нима йўқлигини кўриш мумкин. Райан Гослинг батутга сакраб тушганида муҳим далиллар қўлида пайдо бўлиб қолади.
“Гарри Поттер ва Қақнус ордени”
Фильмда Гаррининг қўрқинчли туш кўраётган саҳнаси бор. У ухлаётганида эгнида юмалоқ ёқали футболка бўлса, қаҳрамон V шаклидаги ёқали футболкада уйғонади.
“Форсаж”
“Форсаж” франшизасининг биринчи қисмида Жонни Тран билан ҳам худди шундай ҳолат рўй беради. Фақат унинг қора футболкаси 3 сониядан кейин бирданига майкага айланиб қолади.
“Шамолларда қолган ҳисларим”
Баъзида фильмларда келажакдан келган нарсалар пайдо бўлади. “Шамолларда қолган ҳисларим” романининг фильмга мослашуви 12 йил — 1861 йилдан 1873 йилгача бўлган даврни ўз ичига олади. Атланта кўчаларида суратга олинган фильмнинг айрим саҳналарида газ фонусларидаги лампочкаларни кўриш мумкин, ҳолбуки электр лампалар 1879 йилга келибгина ихтиро қилинган.
“Арвоҳ овчилари”
“Арвоҳ овчилари” фильмида қаҳрамонлардан бири қадимий сеҳрга дучор бўлади. Чўлда яна бир жодуланган қаҳрамонга дуч келганида аёлнинг ялангоёқ юргани яққол кўринади. Бироқ у қадимий иблиснинг ёнидаги ўрнини эгаллаш учун зинапояларга кўтарилаётганда, баланд пошнали туфлида пайдо бўлади. Кейинчалик жоду ўз кучини йўқотганда пойабзал яна йўқолиб қолади.
“Гарри Поттер ва Аланга кубоги”
Волдеморт мантиясининг шимарилган енги ўз-ўзидан кўтарилади.
“Титаник”
Фильмдаги саҳнада Жек қувурга кишанланган пайтда, “подтяжка”да бўлади. Кейинчалик Роуз уни озод қилганда тасмалар қаергадир ғойиб бўлиб қолади.
Изоҳ (0)