Қашқадарё вилоятида 354,7 млн сўмлик электр энергиясидан ноқонуний фойдаланиш ҳолати аниқланди, деб хабар бермоқда “Ўзэнергоинспекция”.
Унда айтилишича, ҳолат “Ўзэнергоинспекция” Қашқадарё вилоят ҳудудий бошқармаси томонидан ўтказилган назорат тадбирида аниқланган. Косон тумани “Арабхона” МФЙда яшовчи А.Ш.га қарашли сув насосини шартнома расмийлаштирмасдан, ўзбошимчалик билан электр энергиясидан ноқонуний фойдаланган.
Ушбу қоидабузарлик натижасида дастлабки ҳисоб-китобларга кўра электр таъминоти корхонасига 354,7 миллион сўмлик зарар етказгани маълум бўлди.
Ҳозирда ҳуқуқни муҳофаза қилиш органлари томонидан терговга қадар текширув ишлари олиб борилмоқда.
Шу каби ҳолатлар
Самарқанд вилоятидаги корхоналардан бири 553 миллион сўмлик электрдан ноқонуний фойдалангани аниқланганди. Шу билан бирга, Қашқадарёда 177 млн сўмлик газ ва “свет”дан ноқонуний фойдаланган шахслар ушлангани хабар қилинганди.
Шунингдек, Қашқадарёда электрдан ноқонуний фойдаланган корхона давлатга 1 млрд сўмдан зиёд зарар етказган. Бундан ташқари, Тошкент, Самарқанд ва Қашқадарё вилоятларида энергия ресурсларига ноқонуний уланиш ҳолатлари фош этилганди. Шунингдек:
- Бухорода 1,2 млрд сўмлик электрдан ноқонуний фойдаланилгани аниқланди
- Қорақалпоғистоннинг учта ҳудудида 845 млн сўмлик газдан ноқонуний фойдаланилди
- Бухоро ва Жиззахда электрдан ноқонуний фойдаланганлар 360 млн сўмдан зиёд зарар етказди
- Учта вилоятда қарийб ярим млрд сўмлик газдан ноқонуний фойдаланилди
Изоҳ (0)