Сирдарё вилоятининг Гулистон шаҳридаги “свет”дан ноқонуний фойдаланган МЧЖ аниқланди. Бу ҳақда Бош прокуратура матбуот хизмати хабар берди.
Маълум қилинишича, “И.А.С.” МЧЖ ва электр таъминоти корхонаси мансабдор шахслари ўзаро олдиндан тил бириктириб, жамиятга қарашли кўп қаватли уйларни ўзбошимчалик билан тармоққа улаган.
Оқибатда 850 млн сўмлик электр энергияси талон-торож қилинган.
Ҳолат бўйича жамият ва электр таъминоти корхонаси мансабдор шахсларига нисбатан Жиноят кодексининг 169-моддаси 4-қисми “а” банди (жуда кўп миқдорда ўғрилик) билан жиноят иши қўзғатилди.
Бундай ҳолатлар сони ортиб бормоқда
Аввалроқ Самарқанд вилоятидаги корхоналардан бири 553 миллион сўмлик электрдан ноқонуний фойдалангани аниқланганди. Шу билан бирга, Қашқадарёда 177 млн сўмлик газ ва “свет”дан ноқонуний фойдаланган шахслар ушлангани хабар қилинганди.
Шунингдек, Қашқадарёда электрдан ноқонуний фойдаланган корхона давлатга 1 млрд сўмдан зиёд зарар етказган. Бундан ташқари, Тошкент, Самарқанд ва Қашқадарё вилоятларида энергия ресурсларига ноқонуний уланиш ҳолатлари фош этилганди. Шунингдек:
- Бухорода 1,2 млрд сўмлик электрдан ноқонуний фойдаланилгани аниқланди
- Қорақалпоғистоннинг учта ҳудудида 845 млн сўмлик газдан ноқонуний фойдаланилди
- Бухоро ва Жиззахда электрдан ноқонуний фойдаланганлар 360 млн сўмдан зиёд зарар етказди
- Учта вилоятда қарийб ярим млрд сўмлик газдан ноқонуний фойдаланилди
- Сирдарёдаги корхона 2,1 млрд сўмлик электрдан ўғринча фойдалангани фош бўлди
- Тошкент ва Андижонда 1 млрд сўмлик электрдан ўғринча фойдаланилгани аниқланди
Изоҳ (0)