Тошкентнинг икки туманида “свет” вақтинча ўчирилади

Тошкент шаҳар Сергели ва Миробод туманларининг айрим ҳудудларида 15 март куни экектр таъминоти вақтинча тўхтатилади. Бу ҳақда “Тошкент шаҳар электр тармоқлари” маълум қилди.

Хабар қилинишича, Вазирлар Маҳкамаси қарорига асосан Сергели ва Миробод туманларининг айрим ҳудудларини электр энергияси билан таминловчи 110/35/10 кВ кучланишли “Тепличная” подстанциясида модернизация дастури доирасида маънан ва жисмонан эскирган электр қурилмаларини замонавий электр қурилмаларга алмаштириш ишларини хавфсиз олиб бориш ҳамда юкламани тенг тақсимлаш мақсадида, вақти-вақти билан қисқа муддатли электр таъминотида узилишлар кузатилади.

1. Сергели туманининг: “Номданак”, “Султонобод”, “Хонобод”, “Хонободтепа”, “Хонтепа”, “Эски Жалойир”, “Кўҳна қумариқ”, “Зиёлилар”, “Эшонбулоқ”, “Иззатли”, “Садоқат”, “Шукрона”, “Халқобод”, “Маданият”, “Қушқоргон”, “Асробод”, “Эшонбулоқ”, “Халқобод”, “Маданият”, “Бирдамлик”  ҳамда “Кенгмакон” МФЙларининг айрим ҳудудларида соат 09:00 дан 16:00 гача;
2. Миробод туманининг: “Парвона”, “Файзобод”, “Баратходжа”, “Зиёнур”, “Билимдон”, “Юксалиш”, “Янги Қўйлиқ”, “Толариқ”, “Чинор”, “Қўйлиқ ота” ва “Баёт” МФЙларининг айрим ҳудудларида.

Ўз навбатида, юқоридаги ҳудудларда таъмирлаш ишлари белгиланган вақтдан аввалроқ якунланиши мумкинлиги айтилди.
“Тошкент шаҳар электр тармоқлари” МЧЖ мазкур таъмирлаш ишлари туфайли электр таъминотидаги вақтинча узилишлар сабабли етказилаётган ноқулайликлар учун ушбу ҳудудларда яшовчи истеъмолчилардан узр сўради.

Энергетика вазирлигига электр ва газ бўйича ижтимоий меъёрлар муддатини ўзгартириш ваколати берилди. Ушбу ваколат доирасида Ўзбекистонда табиий газ учун иситиш мавсумида белгиланган базавий меъёр 1 апрелга қадар узайтирилди. 1 мартдан мамлакатда иситиш мавсумида табиий газ учун жорий қилинган 500 кубометрлик базавий меъёр 100 кубометрга туширилиши белгиланган эди. Март ойида ҳаво ҳароратининг паст бўлиши, ҳатто айрим кунлари кечаси ва кундузи ҳарорат 0 даражадан тушиб, одатдагидан кўра совуқроқ келиши кутилаётгани, қолаверса, аҳолига қулайлик яратиш мақсадида, давлат раҳбарининг топшириғига мувофиқ, Вазирлар Маҳкамасининг тегишли қарори билан иситиш мавсуми учун белгиланган 500 кубометр базавий меъёр 2025 йилнинг 1 апрелигача узайтирилди.