Куни кеча ижтимоий тармоқларда самарқандлик блогернинг йўл ўртасидаги кўлмакда чўмилган видеоси тарқалиб, муҳокамаларга сабаб бўлганди.
Самарқанд ИИБнинг хабар беришича, 25 март куни 1992 йилда туғилган У.Д. Ургут тумани кўчаларида мавжуд бўлган чуқур (“яма”)лар ҳақида фикрлари акс этувчи 44 сониядан иборат видеони яланғоч ҳолатда жойлагани юзасидан суд жараёни бўлиб ўтган.
Суд ҳукми билан эркак Маъмурий жавобгарлик тўғрисидаги кодекснинг 183-моддаси билан айбли деб топилди ва унга нисбатан 10 сутка маъмурий қамоқ жазоси қўлланилган.
Шунингдек, у қилмишидан пушаймон эканини билдириб, барчадан узр сўради.
Метан заправкада газ йўқлигидан шикоят қилган Ғайрат Дўстов “иши”
2024 йилнинг декабрь ойи якунида ижтимоий тармоқларда метан заправкада навбат кутиб ётганини айтиб, навбати етгач газ тугаганидан норози бўлиб, энергетика соҳасидаги масъулларни танқид қилган Ғайрат Дўстовнинг видеомурожаати тарқалди. Жиноят ишлари бўйича Бектемир туман суди раиси Дурдона Дадахонова мазкур ишни кўриб чиқиб, Ғайрат Дўстовни Маъмурий жавобгарлик тўғрисидаги кодекснинг 183-моддаси (майда безорилик) билан айбдор деб топиб, унга 15 сутка маъмурий қамоқ жазосини тайинлаган.
Гарчи биринчи инстанция суди томонидан 15 суткага қамалган киракашнинг ҳибс муддати 8 суткага қисқартирилган ва у суд залидан озод қилинган бўлса-да, апелляция судида аниқланган қатор қонун бузилиши ҳолатларига ҳуқуқий баҳо берилмади.
Изоҳ (0)