Ҳаммамиз ёш ва жозибадор кўринишни истаймиз, лекин баъзида пардоз бизни безаш ва ёшроқ кўрсатиш ўрнига, аксинча қаритади. Бунинг сабаби ажинлар эмас, балки нотўғри танланган ёки суртилган воситалардир. Сизга қўшимча йилларни осонликча қўшиб қўйиши мумкин бўлган, пардоздаги хатоларни кўриб чиқамиз.
- Праймердан фойдаланишни эътибордан четда қолдириш
Фото: AdMe
Агар тонал крем базасиз суртилса, у ажинларга кириб, уларни янада кўзга кўринарли қилиши мумкин. Праймер эса терини силлиқлаштиради ва пардознинг текис ётишига ёрдам беради. Табиий порлаш учун блюр эффектли намлантирувчи праймерни танланг ва пардозингиз ажойиб кўринади.
- Тонал кремни жуда қалин суртиш
Фото: AdMe
Тонал кремни жуда қалин қатлами ажинларни таъкидлайди ва юзингизда гўёки ниқоб эффектини яратади. Тон юзнинг рангини тенглаштириши керак, камчиликларни яшириш учун эса консилер бор.
Тонал креми тери тонинггизга мукаммал мос келиши учун сотиб олишдан аввал яхши ёритилган жойда, ияк ва бўйин чизиғига маҳсулотни суртиб текширинг.
- Консилер рангининг мосмаслиги
Фото: AdMe
Қора доираларни яшириш учун консилерни фақат нуқталар билан эмас, балки юпқа қатламда, тескари учбурчак шаклида суртинг. Тери рангидан бир тонга очиқроқ консилерни танланг — жуда очиқ консилер ажинларни сездириб қўяди ва кўринишни чарчаган қилади.
- Ялтироқнинг кўплиги
Фото: AdMe
Ялтироқ тенлар қовоқлардаги бўртиқларни кўзга кўринарли қилиши ва шу билан сизга қўшимча йилларни қўшиши мумкин. Нейтрал ранглардаги жилосиз тенларни танлаганингиз афзал. Агар бир оз порлаш керак бўлса, ялтироқни фақат кўзнинг ички бурчагига ёки қовоқ марказига суртинг. Идеал вариант — майда дисперсли ялтироқли тенлар бўлиб, улар енгил ялтираш эффектини яратади.
- Кўз қаламидан фойдаланиш
Фото: AdMe
Ёш ўтган сайин қовоқлар ўз эластиклигини йўқотади ва қалам билан чизилган стрелканинг нотекис кўриниши хавфи бор. Суюқ қалам уни текис қилишга ёрдам беради, чунки у кучли босимни талаб қилмайди. Уни терини чўзиб суртманг, акс ҳолда стрелкалар бузилиб қолади.
Кўзларингиз ёрқин бўлишини истасангиз, пастки қовоққа нюд рангдаги суюқ қалам суртиб кўринг — кўз оқлари визуал равишда янада ёруғроқ бўлади.
- Ўчиб кетган лаб бўёғи
Фото: AdMe
Лаб бўёғи узоқроқ туриши учун лабларни тонга мос қалам билан бўянг – у барқарор асос яратади. Буни қилишдан олдин пилингни унутманг — ёш ўтган сайин лаблар намликни йўқотади ва енгил пилинг уларни силлиқроқ кўринишга ёрдам беради. Агар лаб бўёғи ажинларга ёпишиб қолса, контур бўйлаб бир оз кўз қовоғи праймерини суртиб кўринг — у тўсиқ яратади ва рангнинг бузилишини олдини олади.
- Бир-бирига ёпишиб қолган киприклар
Фото: AdMe
Киприкларнинг бир-бирига ёпишиб қолиши кўринишни оғирлаштиради ва визуал равишда ёш қўшади. Енгил текстурали тушдан фойдаланинг, уни эҳтиёткорлик билан суртинг, киприк илдизларида чўткани айлантиринг. Агар у қуриб қолган бўлса, туш тубасини чиқинди челагига ташланг — тушнинг яроқлилик муддати 6 ойдан ошмайди.
- Терининг етарлича намланмаганлиги
Фото: AdMe
Қуруқ тери ажинларни таъкидлайди ва пардоз тоза чиқмайди. Пардозланишдан аввал гиалурон кислотаси бўлган сивороткалар, керамидлар бўлган кремлар каби намлантирувчи воситалардан фойдаланинг. Косметика воситалари бир текисда юзга ётиши учун терини мунтазам равишда пилинг қилишни унутманг.
- Ёйилиб кетган (оқиб кетган) пардоз
Фото: AdMe
Туш ва қалам қолдиқлари ажинларга тушиб ёки ёйилиб кетиб, образ нотекис бўлиб қолиши мумкин. Ҳамёнингизда доимо пахта тампонлари ёки қоғозларни сақланг — улар макияжни тезкорлик билан тузатиш ва пардозни янгилашга ёрдам беради.
Изоҳ (0)