Интерьер дизайнери ва коллекционер, модель Айрис Апфель Флоридадаги уйида 102 ёшида вафот этди. Бу ҳақда унинг вакили Stu Loeser’га таяниб, Тhе New York Times хабар берди.
Айрис Буррелл 1921 йилда Квинсда туғилган. У Нью Йорк ва Висконсин университетларида санъат соҳасида таҳсил олган. 1948 йилда Айрис Карл Апфель билан турмуш қурган.
Айрис Трумендан тортиб Клинтонгача бўлган президентларнинг уйи ва офислари интерьер дизайнери бўлган. Лойиҳаларнинг барчасини 2015 йил 100 ёшда вафот этган турмуш ўртоғи, Оld World Weavers текстиль ишлаб чиқариш компанияси раҳбари Карл билан биргаликда амалга оширган.
Апфель кексалик чоғида ҳиппи ва юқори модани уйғунлаштирган жасур богем услуби билан машҳурликка эришган. Дизайнер 90 ёшга тўлганда МАC учун ёрқин пардоз линиясини ишлаб чиққан ва компаниянинг унутилмас юзига айланган. NYT’га кўра, у 1992 йилда ўз компаниясини сотгач, фирмада маслаҳатчи сифатида ишлашда давом этган. 2013 йилда The Guardian газетаси Апфелни 50 ёшдан ошган энг замонавий аёллар рўйхатига киритган. 2019 йилда, 97 ёшли Айрис IMG моделлик агентлиги билан шартнома имзолаган.
Изоҳ (0)