Ушбу машҳур блогерларни Instagram орқали таниб олиш мумкин. Рўмолли гўзал қизлар янада чиройли бўлиш борасидаги янгиликларни миллионлаб одамларга улашади.
Худа Каттан − @hudabeauty
Худа Каттан нафақат Яқин Шарқдаги энг таниқли гўзаллик-блогери, балки Мичиган-Деарборн университетининг дипломи соҳибаси ҳам ҳисобланади. У узоқ вақт давомида молия соҳасида ҳам ишлаган, аммо у бирдан ҳаммасини ташлаган ва Дубайга кўчиб ўтганидан сўнг визажистга айланган. Худанинг макияж услубини кўпчилик мукаммал деб билади. Худа Instagram’даги пардоз саҳифасидан ажралган ҳолда ўз бренди «Huda Beauty»ни яратишга муваффақ бўлган блогерларнинг биридир. Унинг улама киприклари, лаб бўёқлари − пардоз буюмлари дунё визажистлари томонидан машҳурликка эришган.
Далал Ал-Доуб − @dalalid
Далал исмли оддий қувайтлик қиз учун пардоз қилиш ҳар доим ўзини ифода этиш усули бўлиб келган. Далалнинг севимли машғулоти энди унинг касбига айланди. У мусулмон аёллари орасида гўзаллик бўйича асосий мутахассислардан бири. Унинг Instagram саҳифаси орқали Шарқдаги асосий мода тенденцияларини кузатиш мумкин. Далал Ёу Тубеъдаги саҳифасида бўянишнинг нозик томонлари ҳақида гапириб беради ва қандай пардоз қилишни ўргатиб боради. Гарчи блогер араб тилида сўзласа-да, уни тушуниш фойдаланувчилар учун қийинчилик туғдирмайди.
Хабиба Да Сильва − @lifelongpercussion
Бразилия ва Ливан миллатига мансуб оилада дунёга келган Хабиба Британияда яшайди. Уни биргина жумла билан таърифлаш мумкин: у рўмолда юради. Яқин Шарқдаги барча блогерлар орасида Хабиба бўяниш бўйича энг сипоси ҳисобланади. Шунингдек, қиз ўз саҳифасини фақатгина инглиз тилида олиб боради. Бундан ташқари, унинг постлари фақатгина пардоз қилиш бўлиб қолмай, баъзида шеър ўқийди ва мураккаб мавзуларни муҳокама қилади.
Риан − @riannemua
Риан бежирим бўяниш билан рўмолни уйғунлаштира олган блогер. У 18 ёш бўлишига қарамай, бошқаларга нисбатан анча яхши пардоз қилади.
2017 йилда Риан Ёу Тубеъда ўз каналини очган ва у ерда юз учун ноёб ниқоблар рецепти ҳақидаги маълумотлар билан бўлишган. Тез орадан унинг ижтимоий тармоқдаги саҳифалари оммалашди ва у Яқин Шарқдаги энг машҳур гўзаллик-блогерига айланди.
Нура Афиа @nuralailalov
Нура АҚШлик рўмолдаги гўзаллик-блогеридир. Унинг Instagram саҳифасидан пардоз сирлари, ўз-ўзига ғамхўрлик, маникюр, косметика шарҳларини топиш мумкин. Умуман олганда, гўзалликка боғлиқ барча нарса унинг тўпламидан жой олган. Ёрқин пардоз, нуқсонларни яшириш – буларнинг барчаси 300 мингдан ортиқ фойдаланувчилар эътиборини тортди. Шунингдек, таниқли блогер Covergirl косметик компанияси билан шартнома имзолади. Шунинг учун ҳам Нура Афиа ижтимоий гўзаллик саноатида бренд билан ишлашни бошлаган биринчи мусулмон аёл ҳисобланади.
Изоҳ (0)