Пардоз усталари лаб бўёғини тўғри суриш ва узоқроқ туриши учун жуда кўп лайфхакларни тақдим этди.
Лаблар чегараси консилер билан яширилади
Аёллар лаб шаклидан қониқмаса ёки унинг ҳажмини бироз катталаштиришни истаса бунинг йўли жуда осон. Лаб чегараси консилер билан ёпилади. Консилердан фойдалангандан сўнг улар юз терисининг ранги билан бирлашади. Сўнгра қалам билан янги шакл чизиб олинади. Кейинги шакл аввалгисидан бирозгина фарқ қилиши мумкин, лекин кескин ўзгартириш тавсия этилмайди. Лабнинг қолган қисми бўёқ билан тўлдирилади.
Бўялган лаблар слафетка ёрдамида артилади
Лаб бўёғи узоқ вақт давомида ўчиб кетмаслиги учун яна бир ажойиб лайфхак. Бунинг учун лаблар бўялгач салфетка ёрдамида бироз артилади ва устидан яна лаб бўёғи сурилади.
«Х» шакли чизилади
Лабларни бўяшдан аввал «Х» шаклини қалам билан чизиб, юқори бурчакларга урғу бериш мумкин. Шундан сўнг улар мукаммал кўринишга эга бўлади – бу ҳажмни оширади ва лабларни визуал равишда катталаштиради. Кейин одатдагидек контур ва устига лаб бўёғини суриш мумкин.
Ўта ёрқин лаб бўёғи консилер билан қўлланади
Агар ёрқин лаб бўёғининг контури нотекис бўлса, уни қалам ёки лаб бўёғи билан тузатиш бефойда. Чизиқни мукаммал қилишнинг энг осон усули – ингичка чўтка ёрдамида ортиқча нарсаларни консилер воситаси билан бўяш. Айтганча, профессионал визажистлар айнан шундай қилади.
Лаб бўёғи ёрдамида ёноқларни қизартириш мумкин
Агар лаб бўёғининг ранги меъёрида бўлса, у ҳолда ёноқлар учун алоҳида бўёқ сотиб олишнинг кераги йўқ. Бармоқлар ёрдамида лаб бўёғини ёноқларга оҳиста суриш мумкин. Ёки махсус чўтка ёрдамида амалга оширилади.
Салфетка ёрдамида лаб бўёғини меъёрда суриш мумкин
Аввал одатдагидек лаблар бўялади. Кейин уларга салфетка ёпиштирилади. чўткадан фойдаланиб, бу сизга маҳсулотни ҳаддан ташқари кўп суртмасликка имкон беради. Шундан сўнг лаблар яна бўяб қўйилади.
Лабларни замонавий кўринишда бўяш
Дудоқларни ҳажмини ошириш учун навбатдаги лайфхак ёрдам беради. Бунинг учун оқ қалам керак. У лаблар ўртасига суртилади ва бармоқ ёрдамида яхшилаб аралаштирилади. Пушти қалам билан контурни чизилади ва лабларнинг бутун юзасини порлоқ ёки шаффоф лаб бўёғи билан ёпилади.
Контурга бармоқ билан ишлов берилади
Контур қаламдан фойдаланиш – бу лабларга тўғри шакл беришга имкон беради ва бўёқнинг тарқалишини олдини олади. Бироқ контур ҳеч қачон аниқ бўлмаслиги керак. Бунинг учун унга ҳар доим бармоқ учлари ишлов берилиб, сўнгра лаб бўёғи сурилади.
Лаблар қош чўткаси билан тозаланади
Лаб бўёғи мукаммал жойлашиши учун аввал чўтка ёрдамида лабни мулойим ҳаракат билан тозалаш керак. Бу орқали терининг қуриган қатлами осонгина текисланади ва бўёқни қўллашда муаммолар пайдо бўлмайди.
Лаб бўёғини музлаткичда сақлаш тавсия этилади
Визажистлардан охирги маслаҳат – ҳар доим лаб бўёғини музлаткичда сақлаш керак. Шундагина у ўз хусусиятларини узоқроқ сақлайди, эримайди ва ундан фойдаланиш қийинчилик туғдирмайди.
Изоҳ (0)