Ҳар куни эрталаб макияж қилиш учун жуда кўп сабаблар бор, аммо маълум бўлишича, қарши далиллар улардан ҳам жиддийроқ бўлиши мумкин, деб ёзади «Домашний очаг».
Аёлларнинг аксарияти бўянишни худди ювиниш, нонушта қилиш ёки машқ қилиш каби тонгнинг бир қисми деб қабул қилган. Пардоз терининг афзалликларни таъкидлаш ва камчиликларни яшириш имконини беради. Косметика бозори доимо ривожланиб, макияж маҳсулотлар тери учун хавфсизроқ бўлиб бормоқда. Аммо шунга қарамай, макияжни тўхтатган одамнинг тери ҳолатидаги фарқлар ўқувчиларни ҳайратда қолдириши табиий.
Тери қуримайди
Пардоз терини яхши кўринишга олиб келади, лекин бу терининг табиий янгиланиш жараёнига тўсқинлик қилади. Айниқса, агар косметика тўғри тозаланмаса ва терида унинг зарралари қолса, бу жуда ёмон. Ухлашдан олдин юзни ювганда пайдо бўладиган энг катта муаммолардан бири шундаки, терининг ўлик ҳужайралари янгилари билан алмашинадиган табиий қобиқ пайдо бўлиши қийинлашади. Қуруқ тери тўпланган ўлик тери ҳужайраларининг белгисидир. Макияж тозаланганда, терини тўсқинликсиз янгиланишига имкон берилади ва қайта тикланади.
Ажинлар камаяди
Кўпчилик 25 ёшида ҳам ёшроқ кўринишга интилиб, макияжга муожаат қилади. Бироқ аслида, косметик воситалар ажинларнинг нозик чизиқларига жойлашади ва уларни яшириш ўрнига, аксинча таъкидлайди.
Тери тешиклари қисқаради
Ҳар сафар макияждан сўнг майда зарралар тери тешикларида тўпланади. Юқоридан эса ўраб турган чанг қўшилади. Натижада тешиклар кенгаяди ва тиқилиб қолади. Макияжсиз тоза юздаги тешиклар кичраяди ва тез-тез юзни чангдан тозалаш ва уни янгилаш имконияти пайдо бўлади.
Ҳуснбузар тошмайди
Макияждан сўнг бактериялар юз терисига тушади. Улар косметика маҳсулотлари, чўтка ва губкалар устида яшайди. Натижада тешиклар нафақат ифлос, балки бактериялар томонидан зарарланади, бу эса қизариш ва ҳусбузар тошишига олиб келади. Афсуски, яна ушбу муаммолар косметика билан ёпилади ва вазият янада чигаллашади.
Кўз билан боғлиқ муаммолар камаяди
Аксрият кўз учун мўлажалланган косметик маҳсулотлари қизаришга олиб келиши мумкин бўлган консервантларни ўз ичига олади. Шунинг учун тен ва туш танлаганда алоҳида эътибор қаратиш тавсия этилади. Бактериал хавфли бўлишдан ташқари, улар терига ҳам зарар етказиши мумкин. Мутахассисларнинг сўзларига кўра, кўз учун мўлжалланган косметика сабаб бўлиши мумкин бўлган энг жиддий жароҳатлардан бири шох парданинг шикастланишидир. Косметик воситалар бўяниш пайтида шох пардани тирнаш мумкин.
Изоҳ (0)