Кутилмаганда белгиланган учрашувга тайёргарлик кўриш учун анча вақт керак, лекин бунинг иложи йўқ. Унда қуйидаги 10 та лайфхак ҳам вақтни тежашда, ҳам пардоз масаласида ёрдам бериши табиий.
Лак бўёғини тезроқ қуритинг
Агар ҳозиргина тирноққа суртилган лак бўёғини қуритишга вақт бўлмаса, дунёдаги минглаб аёллар қўллайдиган лайфхакни синаб кўриш керак. Қўлга суртилган бўёқ 2-3 дақиқа давомида ҳавода қуритилади. Сўнгра бармоқлар идишдаги совуқ сувга бир оз ботирилади. Паст ҳарорат эвазига тирноқ бўёқлари тезроқ қурийди.
Уй шароитида кўз учун патч тайёрланг
Битта бодрингнинг ярми блендер ёрдамида майдаланади. Ҳосил бўлган массага 1 чой қошиқ лимон шарбати ҳамда 3/1 стакан кўк чой аралаштирилади. Пахта бўлакчаларга бўлинади ва аралашмага ботирилади. Патчлар алоҳида ҳаво ўтказмайдиган қадоқларга солиниб, сўнг музлатилади.
Ушбу восита кўз атрофидаги шишларни бартараф этади, шунингдек, кўз остидаги терини оқартириш ва намлантириш хусусиятига эга.
Маникюрга аҳамият беринг
Яқинда бўялган тирноқлар қанчалик авайланса ҳам, унинг қаеригадир зарар бериш табиий ҳолат. Шундай вазиятда маслаҳатга амал қилиш керак. Лак устига бир оз ёғ суртилиб, тил ёрдамида ҳаракатлантирилади ва муаммога учраган жой текисланади. Синалган услуб!
Лабларга контур чизинг
Текис ва чиройли қилиб лабнинг чегарасига ишлов бериш қийин иш. Лекин бунда ҳийла ишлатса бўлади. Бунинг учун лаб бўёғига мос келадиган қалам билан икки лабнинг марказига Х белгиси чизилади. Белгиланган қисм пастки лабнинг ёй қисмига тўғри келиши керак.
Чизилган белгини мўлжал қилиб, лаб чегараларига чизилган чизиқ бир-бирига туташтирилади. Шунда у чиройли ва равон чиқади.
Тирноқларни тартибга келтиринг
Тирноқ атрофидаги қўпол ва қуруқ тери маникюрга халақит бериши табиий. Унинг юмшоқлигини ва майинлигини тиклаш учун «Аевит» капсулаларини суртиш керак ва тирноқ атрофи ва бармоқларни яхшилаб бир-бирига ишқалаш тавсия этилади.
Юздан қора нуқталарни тозаланг
Юздаги майда қора нуқтачаларни тозалаш кўп вақт талаб этади. Бунга иложи бўлмаса, арзон ва уй шароитида тайёрлаш мумкин бўлган ниқобдан фойдаланиш мумкин. Бунинг учун 1 чой қошиқ ичимлик содасига 1 чой қошиқ апелсин шарбати аралаштирилади. Юзнинг муаммоли жойига қалин қилиб аралашма суртилади ва 20 дақиқага қолдирилади. Сўнг пахта билан артиб, тозаланади.
Яноқларни ялтиратинг
Пардозни жуда шошилинч тарзда қилишга тўғри келса, румяналар ўрнига ялтироқ лаб бўёғидан фойдаланиш мумкин. Бўёқнинг бир томчиси яноқ устига суртилиб, сўнг қўл ёрдамида ёйиб чиқилади. Ушбу услуб чиндан ҳам яноқларга табиий қизиллик бағишлайди, кейинчалик ҳам ундан самарали фойдаланиш мумкин.
Киприкларни қайиринг
Киприкларни қайиришдан аввал киприк қайиргич қисқичини соч қуритгич ёрдамида иситиб олиш керак. Шунда кун давомида киприклар шаклини йўқотмайди.
Смоки-айс услубида пардоз қилинг
Ушбу услуб жуда мураккаб бўлиб, агар барча қонун-қоидалар асосида бажарилгудек бўлса, жуда кўп вақт талаб этилади. Лекин унинг оддий варианти ҳам бор. Пардоз учун учта бўёқ чўткалари танланади. Биринчисида теннинг тўқроқ ранги қовоққа суртилади, иккинчисида, оч ранг билан аралаштирилади. Учинчисида эса ранг чегараларига ишлов берилади.
Соч турмагини тузатинг
Сочни қуритмасдан ухлаш рангнинг хиралашиши ва бўйсунмаслигига олиб келади. Тоза тиш чўткаси ёрдамида сочнинг бўйсунмас қисми намланиб, таралади ва кутилган натижага эришилади. Афсуски, тароқлар бундай хусусиятга эга эмас.
Изоҳ (0)