Бизнес – уруш. Гардероб – қурол. Ҳеч ким урушга қуролсиз бормайди. Акс ҳолда нима бўлиши мумкинлигини тасаввур қилишга тўғри келади. XXI асрда аёллар ҳам ҳақли равишда барча имкониятларини ишга солмоқда. Бирма-бир поғоналарни босиб ўтиш, ҳаттоки бир вақтнинг ўзида бир неча қадамларга сакрашни ҳам амалга ошириши кузатилмоқда.
Замонавий аёлларни ташқи кўринишидан дарров таниб олиш мумкин. Уларнинг гардеробида хира, кўримсиз либосларнинг ўзи йўқ. Чунки ишда ҳамма шундай кўринишда. Офиснинг ярми бу каби ходимларнинг мавжудлигини ҳам билмайди, раҳбар эса умуман танимаслиги ҳам мумкин. Аммо калта юбка, қип-қизил лаб бўёғи ҳам ишбилармон аёлга тўғри келмайди.
Қулайлик, мода ва гўзалликни ўзини намоён этиш билан аралаштириш яхши эмас. Замонавий ҳамда ўз мавқейига эга аёллар гардеробида муваффақият келтирадиган либослар уларнинг энг биринчи ёрдамчиси ҳисобланади.
Костюм-шим
Дизайнерларнинг сўнгги 20 йил ичидаги энг яхши ғояси. Фақат қора ёки кул ранг эмас, бордо, сиёҳ, зумрад ёки қаймоқ рангидан кийиш тавсия этилади. Агар фитнес билан шуғулланмайдиган аёллар бўлса, узайтирилган ёқали кўйлак билан кийиши ҳам мумкин. Бошқа барча ҳолатларда шунчаки оддий кофталар билан бирлаштириш тавсия этилади. Ушбу кўриниш билан ҳеч ким нафақахўр аёлга ўхшаб қолмаслиги аниқ.
Миди юбка
Виктория Бекҳэмга айланиш вақти келди. Миди юбкалар ҳар қандай кўринишга мос келади, айниқса, олд томонига бичимида безак берилганлари. Свитер, кофта ёки бошқа кийимларни ҳам тиззадан бироз тушиб турувчи юбка билан уйғунлаштириш тавсия этилади.
Кашмир жемпери
Классик услубдаги шим ёки миди юбкалар билан ушбу кашмир жемперлари жуда мос келади. Асло қандайдир ёши катта аёлларга ўхшаб қолишдан чўчимаслик зарур. Вақти келганида, албатта, ушбу тажрибани синаб кўриш тавсия этилади.
Оёқ кийим
Замонавий мансабдор аёллар пошнали туфлиларни қандай ҳолларда кийишни билади. Шунинг учун ҳам улар қулай ва ажойиб ботинкаларда жуда тез ҳаракат қилади. Ортда қолган аёллар эса 12 сантиметрлик пошнали туфлиларда юзларида оғриқ билан юраётган бўлади. Аммо ҳар қандай ишбилармон аёлнинг ҳам гардеробида баланд пошнали туфлиларга жой бўлиши керак.
Аксессуар
Соат, билакузук, сипо зирак ва сумкалардан аксессуар сифатида фойдаланиш мумкин. Одатда ишбилармон аёлларнинг энг кўп мурожаат этадиган қўшимча деталларига юқоридагилар киради.
Пардоз ва турмак
Ёдда тутиш керакки, барча иш жойлари ҳам бир-биридан фарқ қилади. Қаердадир тартиб қаттиқ бўлса, яна бошқа жойда эркинлик мавжуд. Аёллар эса ҳар қандай жойга мослашиши ва у ерда ҳам мукаммал кўринишни ҳосил қила олиши керак. Ҳар бир аёлнинг тасаввуридаги кумири ҳар тонгда айнан унинг кўзгусида акс этиши керак.
Мавзуга доир:
Изоҳ (0)