Баъзида фильм ёки сериаллар бизни ҳайратда қолдиради. Оддий қаҳрамонлар сочини стилистлар каби кеса олади, баланд пошнада бемалол югуради ва спорт залида ҳеч қачон терламайди.
Сочлари ёйилган ҳолда овқат пиширади
Ҳаётда аёллар иложи борича сочларини йиғиб овқат пиширишга ҳаракат қилади: ким ҳам овқатидан соч чиқишини хоҳларди? Лекин фильмларда ундай эмас. Масалан, ёйилган соч билан овқат пиширадиган қаҳрамонларни фильм ва телешоуларда тез-тез кўриш мумкин.
Пошнали туфлида югуради
Кинода аёллар узоқ вақт давомида пошнали туфлида юриши мумкин: баланд пошнали пойабзал да супермаркетга боради, болаларни мактабдан олади, ҳатто зарурат туғилса, югуради ҳам.
Дарҳақиқат, кун бўйи баланд пошнали пойабзал да югуриш у ёқда турсин, юриш ҳам жуда чарчатади. Оёқ кийимларимиз қанчалик қулай бўлмасин, кун охирига келиб барибир чарчатади.
Мукаммал макияж ва соч турмаги билан уйғонади
Кўплаб фильмларда қаҳрамонлар макияжи билан ухлаб қолади, лекин ҳеч нарса бўлмагандек уйғонади. Улар ҳар доим чиройли бўялган кўзлар ва лаблар, соч турмагида юради.
Миллиардерлар оддий қизларни севиб қолишади
Оддий қизлар ҳаммани ўзига осонгина мафтун қилади — шаҳзодалардан тортиб жаҳон компаниялари меросхўрларигача. Бу ҳар доим жуда осон ва тез содир бўлади. Шу билан бирга, бундай қизлар ўзларининг “шаҳзодаларига” йиллар давомида психотерапевт билан шуғулланиши мумкин бўлган муаммоларни ҳал қилишда ёрдам беради ва охир-оқибат улар “бутун дунёни” забт этишади.
Ҳомиладор аёл туғуруқдан кейин тезда ўзига келади
Агар фильм қаҳрамони ҳомиладор бўлса, кўз очиб-юмгунча фарзандини дунёга келтириб, бир неча дақиқадан сўнг ҳеч нарса бўлмагандек кулиб ўтиради.
Аслида бола туғилишига кўп соат керак бўлади, туғуруқдан кейин ҳам аввалги ҳолатига қайтиши учун ойлар, балки йиллар кетади.
Бир зумда хунук қиздан соҳибжамолга айланади
Кўпгина фильмларда хунук қизлар ёруғлик тезлигида ўзгаради. Пардоз, соч турмаги ва кўзойнакларсиз бир зумда соҳибжамолга айланади. Ҳақиқий ҳаётда эса образни тубдан ўзгартириш учун анча ҳаракат қилиш керак. Айниқса, бундан олдин ташқи кўринишга умуман аҳамият берилмаган бўлса.
Сочини стилистлар каби тартибли қилиб кесади
Аёлларга оид яна бир клише — бу соч турмаги. Кўпинча қизлар салбий хотиралардан халос бўлишни ёки ҳаётини янгидан бошлашга қарор қилганда, сочини кесиб ташлайди. Лекин шоша-пиша ўзи кесгани билан янада чиройли бўлиб қолади.
Ҳар куни нотўғри овқатланишади
Фильм қаҳрамонлари ётоқдан турмасданоқ пицца ёки тушлик учун гамбургер ейишади. Ширинликка музқаймоқ ҳам қўшилади. Аммо улар ҳеч қачон соғлиғидан шикоят қилмайди: семизлик, ошқозон ёки уйқу билан боғлиқ муаммолари бўлмайди. Аслида эса ёғли ва юқори калорияли овқатлар соғлиққа ўз таъсирини ўтказмай қолмайди.
Келиннинг гулдастаси учун ҳақиқий кураш бошланади
Голливуд фильмларида келиннинг гулдастаси учун кураш саҳнаси бўлади. Меҳмонлар гулдастани қўлга киритиш учун ҳақиқий жанжал уюштиради. Аслида эса тўйда бундай хатти-ҳаракатлар жуда кам учрайди. Кўпчилик буни ўзига эп кўрмайди.
Изоҳ (0)