Hammamiz yosh va jozibador ko‘rinishni istaymiz, lekin baʼzida pardoz bizni bezash va yoshroq ko‘rsatish o‘rniga, aksincha qaritadi. Buning sababi ajinlar emas, balki noto‘g‘ri tanlangan yoki surtilgan vositalardir. Sizga qo‘shimcha yillarni osonlikcha qo‘shib qo‘yishi mumkin bo‘lgan, pardozdagi xatolarni ko‘rib chiqamiz.
- Praymerdan foydalanishni eʼtibordan chetda qoldirish
Foto: AdMe
Agar tonal krem bazasiz surtilsa, u ajinlarga kirib, ularni yanada ko‘zga ko‘rinarli qilishi mumkin. Praymer esa terini silliqlashtiradi va pardozning tekis yotishiga yordam beradi. Tabiiy porlash uchun blyur effektli namlantiruvchi praymerni tanlang va pardozingiz ajoyib ko‘rinadi.
- Tonal kremni juda qalin surtish
Foto: AdMe
Tonal kremni juda qalin qatlami ajinlarni taʼkidlaydi va yuzingizda go‘yoki niqob effektini yaratadi. Ton yuzning rangini tenglashtirishi kerak, kamchiliklarni yashirish uchun esa konsiler bor.
Tonal kremi teri toninggizga mukammal mos kelishi uchun sotib olishdan avval yaxshi yoritilgan joyda, iyak va bo‘yin chizig‘iga mahsulotni surtib tekshiring.
- Konsiler rangining mosmasligi
Foto: AdMe
Qora doiralarni yashirish uchun konsilerni faqat nuqtalar bilan emas, balki yupqa qatlamda, teskari uchburchak shaklida surting. Teri rangidan bir tonga ochiqroq konsilerni tanlang — juda ochiq konsiler ajinlarni sezdirib qo‘yadi va ko‘rinishni charchagan qiladi.
- Yaltiroqning ko‘pligi
Foto: AdMe
Yaltiroq tenlar qovoqlardagi bo‘rtiqlarni ko‘zga ko‘rinarli qilishi va shu bilan sizga qo‘shimcha yillarni qo‘shishi mumkin. Neytral ranglardagi jilosiz tenlarni tanlaganingiz afzal. Agar biroz porlash kerak bo‘lsa, yaltiroqni faqat ko‘zning ichki burchagiga yoki qovoq markaziga surting. Ideal variant — mayda dispersli yaltiroqli tenlar bo‘lib, ular yengil yaltirash effektini yaratadi.
- Ko‘z qalamidan foydalanish
Foto: AdMe
Yosh o‘tgan sayin qovoqlar o‘z elastikligini yo‘qotadi va qalam bilan chizilgan strelkaning notekis ko‘rinishi xavfi bor. Suyuq qalam uni tekis qilishga yordam beradi, chunki u kuchli bosimni talab qilmaydi. Uni terini cho‘zib surtmang, aks holda strelkalar buzilib qoladi.
Ko‘zlaringiz yorqin bo‘lishini istasangiz, pastki qovoqqa nyud rangdagi suyuq qalam surtib ko‘ring — ko‘z oqlari vizual ravishda yanada yorug‘roq bo‘ladi.
- O‘chib ketgan lab bo‘yog‘i
Foto: AdMe
Lab bo‘yog‘i uzoqroq turishi uchun lablarni tonga mos qalam bilan bo‘yang – u barqaror asos yaratadi. Buni qilishdan oldin pilingni unutmang — yosh o‘tgan sayin lablar namlikni yo‘qotadi va yengil piling ularni silliqroq ko‘rinishga yordam beradi. Agar lab bo‘yog‘i ajinlarga yopishib qolsa, kontur bo‘ylab bir oz ko‘z qovog‘i praymerini surtib ko‘ring — u to‘siq yaratadi va rangning buzilishini oldini oladi.
- Bir-biriga yopishib qolgan kipriklar
Foto: AdMe
Kipriklarning bir-biriga yopishib qolishi ko‘rinishni og‘irlashtiradi va vizual ravishda yosh qo‘shadi. Yengil teksturali tushdan foydalaning, uni ehtiyotkorlik bilan surting, kiprik ildizlarida cho‘tkani aylantiring. Agar u qurib qolgan bo‘lsa, tush tubasini chiqindi chelagiga tashlang — tushning yaroqlilik muddati 6 oydan oshmaydi.
- Terining yetarlicha namlanmaganligi
Foto: AdMe
Quruq teri ajinlarni taʼkidlaydi va pardoz toza chiqmaydi. Pardozlanishdan avval gialuron kislotasi bo‘lgan sivorotkalar, keramidlar bo‘lgan kremlar kabi namlantiruvchi vositalardan foydalaning. Kosmetika vositalari bir tekisda yuzga yotishi uchun terini muntazam ravishda piling qilishni unutmang.
- Yoyilib ketgan (oqib ketgan) pardoz
Foto: AdMe
Tush va qalam qoldiqlari ajinlarga tushib yoki yoyilib ketib, obraz notekis bo‘lib qolishi mumkin. Hamyoningizda doimo paxta tamponlari yoki qog‘ozlarni saqlang — ular makiyajni tezkorlik bilan tuzatish va pardozni yangilashga yordam beradi.
Izoh (0)