FIFA ва УЕФА томонидан Россия терма жамоаси ва клубларининг халқаро мусобақаларда иштирок этишига қўйилган тақиқ бўйича янги тафсилотлар ошкор бўлди. Бу ҳақида The Independent нашрига таяниб, Спорт-Эхпресс хабар бермоқда.
Манбага кўра, ушбу қарорга 12 та Европа футбол ассоциациясининг Россия терма жамоасига қарши ўйнашдан бош тортгани асосий сабаб бўлган.
Мазкур мамлакатлардан бири Польша бўлиб, у ЖЧ-2022 саралаш босқичида Россия билан учрашиши керак эди. FIFA бундай вазиятда режалаштирилган ўйинларни белгиланган муддатдан ташқарида ўтказа олмас эди. Шу сабабли ташкилот Россияни саралаш мусобақаларидан четлатишга мажбур бўлди, деб хабар берилди манбада.
Аввалроқ FIFA ва УЕФА Россия жамоаларини халқаро мусобақаларга қайтариш имкониятини кўриб чиқаётгани ҳақида маълумотлар тарқалган эди. 27 март куни Россия футбол иттифоқи (РФИ) раҳбари Александр Дюков ушбу масала 3 апрель куни Белградда бўлиб ўтадиган УЕФА Конгресси доирасида муҳокама қилинишини маълум қилди.
Эслатиб ўтамиз, Россия клублари ва терма жамоалари 2022 йилнинг февраль ойидан буён FIFA ва УЕФА ҳомийлигидаги халқаро мусобақаларда қатнаша олгани йўқ.
Изоҳ (0)