Футбол бўйича Тожикистон терма жамоаси Россияга қарши ўртоқлик ўйини ўтказишга тайёр.
“Кейинги йилда бир нечта ўртоқлик ўйинлари ўтказиш бўйича расмий келишув бўлгани йўқ, аммо РФИ билан доимо бу мавзуда алоқада бўлиб турибмиз.
Бизда яқин келажакда уй ва меҳмонда Россияга қарши ўйин ўтказиш ғояси бор. Жамоамиз исталган пайтда Россия билан ўйнашга тайёр.
Бироқ ҳамон ўйинлар санаси бўйича гаплашганимиз йўқ. Кейинги йилда ҳам “FIFA кунлари” кўп бўлади, балки ўша кунларнинг бирида биз ўртоқлик ўйини ўтказармиз. Ҳа, бу ўйинни ташкил этилиш эҳтимоли бор”, — дейди Тожикистон футбол федерацияси бош котиби Фурхат Аҳмеджанов.
Октябрь ойидаги FIFA танаффусида Россия терма жамоаси Покистон термаси билан ўйнаши керак эди, бироқ рақиб ўртоқлик учрашувидан бош тортди. Натижада Валерий Карпин шогирдлари йиғинни ўйинсиз ўтказди.
Маълумот учун, 2022 йилнинг февраль ойидан бошлаб FIFA ва УЕФА қарори билан Украинадаги вазият туфайли Россиянинг барча терма жамоалари ва клублари халқаро турнирлардан четлаштирилди. Шу тариқа Россия эркаклар терма жамоаси Қатардаги жаҳон чемпионати ва Германияда бўлиб ўтган Европа чемпионатини ўтказиб юборди.
Изоҳ (0)