Футбол бўйича Украина терма жамоаси бош мураббийи Сергей Ребров журналистлар билан рус тилида мулоқот қилишдан бош тортди. Бу ҳақда РИА Новости хабар бермоқда.
Мутахассис УЕФА Миллатлар Лигаси доирасида Альбания билан сафар ўйини олдидан ўтказилган матбуот анжуманида иштирок этди. Учрашув ташкилотчилари томонидан тақдим этилган таржимон Ребровдан унинг жавобини рус тилида такрорлашни сўради. Мутахассис бундай қилишдан бош тортди: “Но Russiaн”.
Ребров саволларга инглиз тилида жавоб бера олишини қўшимча қилди. Шундан сўнг, матбуот анжуманига бошқа таржимон қўшилди ва албан журналистларининг Украина томонига берган саволларини инглиз тилига таржима қилди, Ребров ва Яремчук инглиз тилида жавоб берди.
Маълумот учун, Ребров 2008 йилдан 2009 йилгача Россия Премьер Лигасида (РПЛ) ўйнаган. Футболчи Қозоннинг “Рубин” жамоаси билан мамлакат чемпионлигини қўлга киритди.
Украина терма жамоаси Миллатлар лигасининг B гуруҳининг ҳал қилувчи баҳсида Альбанияни 2:1 ҳисобида мағлуб этди.
Ғалаба Украинага Б дивизионидаги ўз ўрнини сақлаб қолиш, ҳатто А дивизионига чиқиш учун плей-офф босқичида қатнашиш имконини беради.
Изоҳ (0)