Украина футбол ассоциацияси (UAF) президенти Андрей Шевченко Анатолий Тимошукнинг Лозаннадаги UAF’га қарши судда ютиб чиққанига изоҳ берди.
– Анатолий Тимошук CAS судида апелляцияни ютди. Бу борада кейинги қадамларингиз қандай бўлади? Чунки, менинг тушунишимча, олдин қўйилган санкциялар бекор қилиниши керак.
– Украина футболида Тимошукка ўрин йўқ ва бўлмайди ҳам. Бу бутун жамият, мен ва ҳаммамизнинг қатъий позициямиз. У CAS судида апелляцияни ютганини биз ҳал қилганимиз йўқ.
Мен шуни айта оламанки, биз учун у украин футболида мавжуд эмас ва бу мен учун мутлақ аниқ масала. Шунинг учун мен бу мавзуни кўтаришнинг умуман ҳожати йўқ деб ҳисоблайман, деди Шевченко.
Эслатиб ўтамиз, Лозаннадаги Спорт арбитраж суди (CAS) собиқ футболчи Анатолий Тимошукнинг UAF интизом қўмитаси қарорига қарши берган апелляциясини қаноатлантирди.
45 ёшли “Зенит” мураббийи Украина — Россия можароси бўлаётган паллада рус клубида ишлашни давом эттиргани сабабли унга қўйилган санкцияларни бекор қилишни талаб қилган эди.
2022 йил март ойида UAF уни барча унвонларидан маҳрум қилган, мураббийлик лицензиясидан айирган ва умрбод миллий жамоалар расмий реестридан чиқариб ташлаганди.
Изоҳ (0)