УЕФА президенти Украинадаги воқеалар туфайли Беларусь нима учун мусобақалардан четлатилмагани ҳақида гапирди.
— Германия ички ишлар вазири Ненси Фезер 2022 йил охирида УЕФАга мактуб ёзиб, нафақат Россия, балки Беларусни ҳам ташкилотда ўз фаолиятини тўхтатиб қўйишни талаб қилган эди. Беларусь УЕФА турнирларида қатнашиши мумкин, аммо уй учрашувларини мамлакат ташқарисида ва томошабинларсиз ўтказади. Бир неча ойдан сўнг Беларусь Миллатлар Лигасида Андорра, Исроил, Косово, Руминия ва Швейцария билан бир гуруҳда ўйнайди.
Ўшанда сиз Беларусни олиб ташлаш популистик қарор бўлишини айтдингиз. Украина ва Исроилдаги воқеалардан келиб чиққан ҳолда навбатдаги Европа Чемпионатига қандай қарайсиз? Ушбу жараёнда махсус хавфсизлик муаммолари борми?
— Биринчидан, ҳеч бир сиёсатчи бизга нима қилиш кераклигини айтмайди. Биз ҳеч бир сиёсатчига қулоқ солмаймиз. Мен бойкотга қаршиман, бойкот ёки тақиқларни ёқтирмайман. Аммо Россия борасида бошқа танлов йўқ эди. Биз ҳаммамиз бу воқеаларни тўхтатишга ёрдам беришга ҳаракат қилишимиз керак.
Белaрусга келсак, бир-икки сиёсатчилар бизга Россияга ёрдам берганларнинг ҳаммасини четлатиш кераклигини ёзишган. Энди савол бераман: газ сотиб олганлар Россияга ёрдам берадими? Газ сотиб олишда давом этаётган Европанинг барча давлатларини, ҳатто энг йирикларини ҳам истисно қилишимиз керакми?
“Геостратегик муаммоларни сиёсатчилар ҳал қилиши керак. Спорт ташкилотларидан ўз ишларини бажаришни талаб қилиш — бу популизимдан бошқа нарса эмас”, — деди Александр Чеферин infoLibre нашрига берган интервьюсида.
Изоҳ (0)