Италия терма жамоаси бош мураббийи Лучано Спалетти жамоасининг уруш олиб бораётган Исроилга қарши ўйнаши кераклигидан норозилигини билдирди.
“Агар Россия зудлик билан халқаро мусобақалардан четлаштирилган бўлса, нега УЕФА ва FIFA фаластинликларга қарши геноцидга қўл урган Исроил билан ҳам худди шундай йўл тутмади? Нега бизни уларга қарши ўйнашга мажбур қилишмоқда?”, дейди мутахассис.
Аввалроқ FIFA Исроил терма жамоасини халқаро мусобақалардан четлатмасликка қарор қилгани маълум бўлганди. Федерация Фаластин футбол ассоциациясининг илтимосини рад этди.
Италияликлар УЕФА Миллатлар Лигасининг 4-тури доирасидаги уй учрашувида Исроил терма жамоасини мағлуб этганди. Ўйин 4:1 ҳисобида майдон эгалари фойдасига ҳал бўлди.
Италия 10 очко билан 2-гуруҳнинг турнир жадвалида пешқадамлик қилмоқда. Исроил терма жамоаси гуруҳнинг сўнгги ўрнида бормоқда. Улар ҳали очко жамғаргани йўқ.
Изоҳ (0)