УЕФА президенти Александер Чеферин Украинадаги можаронинг тўхтатилиши бўйича музокаралар ҳақида фикр билдирди.
“Европа Иттифоқи вакиллари маълум вақт давомида Россия билан Украина можаросини тўхтатиш бўйича музокаралар олиб бормасликларини таъкидлаб келишди. Ўша европалик сиёсатчилар АҚШ Россия билан улар билан маслаҳатлашмаган ҳолда музокара олиб бораётганидан ҳайратда.
Европа етакчилари вазият қанчалик хавфли эканини ва Европа Иттифоқининг манфаатлари йўлида зудлик билан тинч мулоқотга тайёр бўлишлари зарурлигини тушуняптими ёки йўқми, билмайман.
Улар шахсий манфаатларига хизмат қилиш учун эмас, балки Европа Иттифоқи фуқароларининг манфаатларини ҳимоя қилиш учун шу ерда.
Мени Европа бутун дунёга ўзининг энг яхши экани ҳақида дарс бераётгани ташвишга солади. Европадаги мигрантлар идеал ҳолатда эмас, уларнинг инсон ҳуқуқлари тўлиқ таъминланмаган, бироқ биз бутун дунёга демократия ҳақида маъруза ўқимоқдамиз” дея Чефериннинг сўзларини келтирмоқда Delo.Si.
Аввалроқ Чеферин айрим сиёсатчилар Россия U-17 жамоаларини халқаро майдонга қайтаришга тўсқинлик қилганини айтган эди.
Маълумот учун, Россиянинг барча жамоалари, шу жумладан миллий терма жамоалар, 2022 йил февраль охиридан бошлаб Украинадаги уруш туфайли FIFA ва УЕФА қарори билан халқаро турнирлардан четлатилган.
Изоҳ (0)