Самарқанд вилоятининг Тойлоқ, Қашқадарё вилоятининг Қарши туманлари ва Бухоро шаҳрида валюта айирбошлаш билан шуғулланиб келган шахслар ушланди. Бу ҳақда Бош прокуратура ҳузуридаги Иқтисодий жиноятларга қарши курашиш департаменти хабар берди.

Маълум қилинишича, Тойлоқ туманида фуқаро А.С. фуқаро Ш.Й.га 4,5 минг долларни 58,5 млн сўмга сотган вақтида ушланди. Тезкор тадбир давомида 5 минг доллар ашёвий далил сифатида олинган.
Шунингдек, Қарши тумани “Бунёдкор” МФЙда фуқаро А.О. фуқаро О.Т.га 3,5 минг долларни 45,5 млн сўмга сотган вақтида ушланган.
Бундан ташқари, Бухоро шаҳрида фуқаро Д.Р. фуқаро Ф.Қ.дан 3 минг долларни 38,6 млн сўмга сотиб олган вақтида ушланган.
Мазкур ҳолатлар юзасидан Жиноят кодексининг 177-моддаси (валюта қимматликларини қонунга хилоф равишда олиш ёки ўтказиш) билан жиноят ишлари қўзғатилиб, тергов ҳаракатлари ўтказилмоқда.
Қўлга олинаётган “валютчик”лар
Бухоро, Хоразм ва Тошкент вилоятларида валюта қимматликлари савдоси билан шуғулланиб келган шахслар ушланган эди. Шунингдек, Андижон вилоятининг Балиқчи ҳамда Олтинкўл, Бухоро вилоятининг Пешку туманида валюта қимматликлари савдоси билан шуғулланиб келган шахслар ушланган.
Шу билан бирга, Самарқанд вилоятининг Иштихон ҳамда Оқдарё туманларида валюта қимматликларини ноқонуний муомалага киритилишининг олди олинган.
Бундан ташқари, Самарқанд вилоятининг икки тумани, шунингдек, Хоразм вилоятининг Янгибозор туманида валюта айирбошлаш билан шуғулланиб келган шахслар ушланган.
Изоҳ (0)