Самарқанд вилоятининг Каттақўрғон ва Булунғур туманларида валюта қимматликларининг ноқонуний муомалага киритилиши олди олинди. Бу ҳақда Бош прокуратура ҳузуридаги Иқтисодий жиноятларга қарши курашиш департаменти хабар берди.
Маълум қилинишича, Каттақўрғон шаҳрида валюта айирбошлаш билан шуғалланиб келган З.П. фуқаро Д.Б.га жами 3 500 долларни 44,8 млн сўмга сотган вақтида ушланган. Тезкор тадбир давомида унинг ёнидан 715 минг сўм ашёвий далил сифатида олинган.
Шу каби, Булунғур туманида валюта айирбошлаш билан шуғлланиб келган С.М. фуқаро М.А.га жами 3 500 долларни 44,5 млн сўмга сотган вақтида ушланди. Унинг ёнидан 1 755 доллар ва 7,9 млн сўм ашёвий далил сифатида олинди.
Мазкур ҳолатлар юзасидан Жиноят кодексининг 177-моддаси (валюта қимматликларини қонунга хилоф равишда олиш ёки ўтказиш) билан жиноят ишлари қўзғатилиб, тергов ҳаракатлари олиб борилмоқда.
Изоҳ (0)